Gonnzublogg

2004-07-31T09:21:00.000Z

Var að búa mér til svona mbloggsíðu af tilefni þess að Jói minn var að gefa mér svo svaka flottan myndavélasíma í ammlisgjöf!

2004-06-18T22:22:00.000Z

-Húsfreyjan í Þrastarási kveður-
Já ég hef ekki mikið að segja þess dagana. Mikið að gera í vinnunni og fátt annað sem kemst að. Það er þó í lagi að nefna það að við Jóhann erum búin að kaupa okkur íbúð Vei vei vei!! Já við splæstum á okkur eina fallegustu íbúð sem ég hef nokkurn tíman séð. Hún er í Þrastarás 46 í Hfj og við flytjum inn í september býst ég við. Ég er svo ánægð með hana að ég get ekki hætt að skoða myndirnar af henni :D
Ég ætla ekki að halda þessu bloggi áfram en hendi kannski inn einhverjum myndum af og til. Ég var einmitt rétt í þessu að setja inn myndir frá Gæsapartýi Þórunnar sem endaði í Stapanum. Þar voru Skímó að spila og juminn hvað við skemmtum okkur vel. Þeir eru bara æði!!

2004-05-31T12:57:00.000Z

-Búin á Bifröst-
Þá er maður orðinn viðskiptafræðingur og ég kveð Bifröst með blendnar tilfinningar. Auðvitað er maður feginn eftir mikið puð að vera loksins búinn með þetta en ég á eftir að sakna Bifrastar. Maður hugsar ekki núna til stundanna sem maður var að brjálast yfir kennurum, hópmeðlimum og álagi heldur allra skemmtilegu stundanna. Varmaland, eða Þarmaland eins og við kölluðum það, rokkaði feitt fyrstu önnina. Ég man að við Marta blótuðum því að hafa ekki fengið inn á svæðinu en þetta var ein skemmtilegasta önnin with out a doubt! Ég kynntist líka fljótt feimnu stelpunni í herberginu við hliðiná mér og sú vinátta verður alltaf til staðar. Við Vala vorum sko alltaf til í tuskið og Bakkus vinur okkar var oft með í för! Ég á alltaf eftir að muna eftir Unnari og bjúganu, Þóa og Kylie Minouge dansinum, Ómari sem vaknaði alltaf of seint og drakk 12 lítra af kóki á viku, klámkjaftinum á Adda, hvernig allir sprungu úr hlátri þegar Marta byrjaði að hlægja, Trivial persuit sýki Unnar, Krumma að hræða Mörtu og teikna á töfluna og svo mætti sko lengi telja.
Ég veit að þetta hljómar eins og léleg minningargrein en so what!!

Ár númer tvö var sportkotsárið! Þetta var alveg frábær kommúna hjá okkur. Allar reyndu að vakna eldsnemma í leikfimi og við töluðum um megranir, mataræði og æfingar daginn út og inn á milli þess sem við hrundum í það og skemmtum okkur ógeðslega vel. Strákatal var líka ansi fyrirferðamikið eða eiginlega kennaratal. Kennararnir máttu bara passa sig að mæta ekki illa klæddir því þá fengu þeir bara skot á sig. Rassinn á Bjarna stefnumótunarkennara var ræddur til hlýtar auk flotts klæðnaðs Birgis og Magnúsar Árna. Lisa og Jennifer djömmuðu þvílíkt feitt og Lisa skokkaði á vegg. "Sem er mjög gott" og "Sem er kostur" var algjör húmor. Það voru líka allir einhvern vegin "að gera það". Ég á enn til að kíkja á Sportkotssíðuna og lesa pistlana með þvílíkt bros á vör!

Þýskaland var algjört æði! Frábær hópur sem þangað fór og við Jóhann höfðum það alveg þvílíkt notarlegt. Þýska sjónvarpið var ekki alveg að gera það svo við áttum margar ynidlegar stundir bara tvö að kjafta og drekka rauðvín eða eitthvað. Stundum eyddum við meira að segja heilu kvöldstundunum í að glamra á gítar og syngja... alveg eins og í "Húsið á sléttunni" bara! Síðasta önnin var líka æðisleg. Frábært að búa með Röggu, Davíð og Ölmu.

Úff... þetta átti nú ekki að verða svona langur pistill heldur aðeins inngangur í útskriftina sjálfa. Það var geggjað veður á laugardaginn og þvílíkur fjöldi að útskrifast. Rektor hafði lofað klukkutíma athöfn en raunin varð tveir tímar. Ég var orðin svoooo reið! Hann hefði ekki þurft að tala svona lengi sjálfur og það hefði mátt sleppa hátíðarræðunni!
Við Jói vorum með svaka veislu. Það komu um 80 manns og þvílíkt pakkaflóð. Það var mikið étið og drukkið en samt rosalegur afgangur. Kellingin sem sá um salinn var orðin alveg brjáluð í lokin. Við máttum víst bara vera í salnum til 00.30 en fórum ekki fyrr en 01.30. Flestir tóku bíl niður á Sólon en við vorum nokkur sem löbbuðum. Loksins þegar við komum á Sólon eftir viðkomu á tælenskum karókíbar var svo mikil röð þar að við ákváðum bara að fara heim.
Það eru komnar inn myndir frá kveldinu!! Smellið bara á Myndir 2

2004-05-28T22:22:00.000Z

-Útskrift-
Á morgun er stóri dagurinn. Mamma er búin að vera í stresskasti en ég hef varla mátt vera að því að spá í þessu. Ætlaði að finna mér einhverjar flottar buxur og jakka en gleymdi því eiginlega bara og ég hef ekki enn þorað að kíkja hvort gömlu buxurnar mínar passi við toppinn. Mamma er nú ekki sátt við stelpurasskatið sitt. Að hún skuli ekki vera búin að finna sér jakka og svona!! Það er nefnilega svoldið fyndið með hana mömmu mína að henni finnst ég aldrei kaupa mér föt og hún getur alveg tekið sig til og gefið mér pening og sagt mér nú að kaupa mér eitthvað smart. Mér finnst ég hins vegar alltaf vera að kaupa mér föt og fataskápurinn minn er að springa!! En þetta var nú smá auka innskot. Ég hafði nú ekki hugsað mér að kaupa mér einhvern sérstakan jakka fyrir morgundaginn heldur ætlaði ég bara að vera í bolnum. Foreldrum mínum finnst ég hins vegar allt of gliðruleg í toppnum einum saman. Ætli ég skelli einhverjum druslum yfir axlirnar á mér.

Seinnipartinn í dag dekkuðum við upp salinn og svona og guð minn góður.. þegar ég var að setja kerti í stjakana og Jóhann að stilla græjurnar þá fannst mér hreinlega eins og við vorum að fara að halda brúðkaupsveislu. Mamma og tengdó eru líka búnar að vera algjörar dúfur.. þeir eiga allan heiðurinn af öllum undirbúningnum og ég skaut því bara að þeim að þetta yrði fín generalprufa fyrir brúðkaupsveisluna.

Nú í þessu augnabliki er ég að sötra einn ískaldan og horfa á lokaþátt American Idol og það er barasta eins og maður sé að horfa á sambland af american football og Óskars verðlaununum. Ég meina come on... að syngja þjóðsönginn, láttu mig æla!!
Elsku Fantasia mín.. til hamingju með sigurinn. Persónulega fannst mér þú svoldið þreytt eftir að hafa hlustað á þig í nokkurn tíma. Latoya London var mitt uppáhald!
Ég er nú ekki frá því að hann Ruben sé búinn að fitna....

2004-05-26T22:15:00.000Z

-Update-
Ég var nú eiginlega búin að ákveða það að þegar ég myndi ljúka skólanum þá ætlaði ég að hætta að blogga. Ég virðist hins vegar alltaf hafa einhverju frá að segja sem mig langar að deila með umheiminum.
Nú er ég búin að vinna í kaupfélaginu í rúma viku og meira segja komin í rauðan slopp og allt!! Fór á tvær fataheildsölur í morgun og juminn hvað ég haldi barasta að ég eigi eftir að fýla þetta !! Í dag fengu félagsmenn í kaupfélaginu senda heim 30% afsláttarmiða í fatadeildinni og það var alveg troðið í allan dag. Gamla fólkið greinilega búið að bíða spennt eftir tilboðinu... jújú, ég er sko félagsmaður!! Vonandi næ ég bara að selja allt þetta dóterí og get tekið fullt nýtt inn!

Við Jói erum búin að vera að leita okkur af íbúð núna undanfarið og rúntuðum aðeins um bæinn í gærkveldi. Sá ég svo ekki Baddý standa aleina á einu hringtorginu og Jóhann sneri við á punktinum. Haldiði að Baddý hafi ekki verið að leita af "Hafnarfjarðarperranum" sem sást víst til. Hún leit nú samt frekar út fyrir að vera "undercover" í von um að hann myndi halda að hún væri 6 ára og bjóða henni sælgæti og að koma að skoða hvolpinn sinn.

Við fórum að skoða fyrstu íbúðina í kvöld. Svoldið skondið að konan sem á íbúðina er systir mömmu hennar Sigrúnar Daggar vinkonu. Okkur leist bara ágætlega á en ég held nú að maður þurfi nú að skoða nokkuð margar íbúðir áður en maður gerir upp hug sinn.

Ég er ekki enn búin að fá einkunn fyrir bs ritgerðina en fæ hana vonandi á morgun. Við ætluðum að vera með smá útskriftarpartý á laugardaginn og það mun líklegast enda í 80 manna veislu... samt bara alveg nánustu!! Mömmur okkar Jóhanns eru strax farnar að kvíða brúðkaupinu held ég!!

2004-05-20T19:32:00.000Z

Samkaup góðan daginn!!
Jæja þá er viðskiptafræðingurinn byrjaður að vinna og brjálað að gera í að læra allt. Gunnar Egill matar í mig upplýsingum.. ferð í concord, skrár og birgðir og svo þetta svo velurðu F4 og svo alt y og svo F6 og ég veit ekki hvað og hvað. Þetta fer allt saman inn um annað og út um hitt. Stundum fæ ég svona "ég læri þetta aldrei" tilfinningu og langar bara að fara að aðstoða Sóley í kerrunum sko!!
Síðustu tvo daga hef ég verið að laga til í búsáhaldardeildinni, skrúbba, raða og verðmerkja. já og ganga frá jóladóti!! Svo eru auðvitað allir komandi til mín alveg.. hva! ert þú byrjuð hér?? og ég bara jájá. Þá kemur svona "eru nú viðskiptafræðingarnir farnir að afgreiða í Samkaup" svipur á fólk og ég svona.. já ég er sko aðstoðarverslunarstjóri.. alveg hallærisleg. þá alveg nú jájá, en flott.

Í gær var kvennareið Mána og við Marta skelltum okkur auðvitað. Ógeðslega gaman eins og alltaf. Riðum út í Garð og borðuðum þar austurlenskan mat frá Soho. Drukkum nokkra öllara og fórum í Limbó og svona.. eða bara ég.. Mörtu fannst það eitthvað hallærislegt held ég.
Á heimleiðinni vorum við alveg í kasti á eftir henni mömmu minni. Hún var orðin ansi hress og hallaði alltaf meira og meira á vinstri hliðina. Við biðum bara eftir að hún rúllaði af en hann Dropi gekk gjörsamlega undir henni.

Nú er ég að fara uppá völl að læra á innritunarkerfi Vallarvina svo ég geti byrjað það á fimmtudaginn eftir viku. Ég er alveg að sjá fyrir mér að sumarið verði Crazy vinna!!

2004-05-13T16:06:00.000Z

-Notið dagsins-

Við kvöddum Bifröstina með blendnar tilfinningar í gærkveldi. Gott að vera búinn en jii ef ég á ekki bara eftir að sakna þess að vera þarna.
Ég fór með skýrsluna í prent í morgun og er að fara að sækja hana. Mér leið eins og ég væri að láta litla barnið mitt í hendurnar á ókunnugu fólki. Svona.. passið þið þetta nú vel og gerið þetta alveg rétt! Ég var sko búin að prenta svona demo eins og skýrslan á nákvæmlega að líta út.
Sæl og glöð hélt ég í Kringluna í þeim tilgangi að hressa uppá "sveita-lufsulúkkið". Ég var ekki lengi að spreða 22þúsund kalli chichiiinng! Keypti mér gasalega lekkerar gallabuxur með uppábroti í Oasis svona eins og eru svo móðins.. svo einn skvísubol af því ég á svo fáa svoleiðis *hóst*. Nú ég varð auðvitað að fá mér skó við stuttu gallabuxurnar og fann mér svaka gelluskó sem kostuðu líka bara 3.900. Hmm.. nú var vandi á höndum.. mig langaði bæði í bleika og hvíta.. æi votðefokk.. þeir eru svo ódýrir að ég kaupi bara báða

2004-05-11T21:11:00.000Z

-FINIDO-
Maður má víst ekki sleppa því að blogga í nokkra daga... það verður allt vitlaust á msn-inu!!
Ég er annars ekki búin að hafa mikið að gera annað en að liggja yfir ritgerðinni síðustu daga. Yfirlesturinn frá Friðrik kom ágætlega út og ég þurfti aðeins að laga hérna og bæta inn í þarna og svona. Þessar "smá" breytingar eru samt búnar að taka mig þrjá daga. Ég hef hangið á bókasafninu með fínni grúbbu, þeim Unni, Hrannari, Simma og Jóni. Ég var ekki vinsælust í dag þegar ég montaði mig með liggaliggalái og tilheyrandi að ég væri BÚIN!! Sendi á Friðrik í LOKAyfirlestur og það er bara eins gott að hann gúdderi þetta. Málfundafélag Bifrastar sló upp veislu mér til heiðurs í dag þar sem ég kláraði ritgerðina. Öllum íbúum Bifrastar var boðið upp á grillaða pulsu og bjór, ekki slæmt það!
En hvernig er það...ætla Bifrestingar ekkert að fagna að loknum skilum?? Ég var að reyna að dobbla hana Unni til að vera með eitt stykki partý eða svo...

2004-05-08T12:23:00.000Z

-Aldrei aftur FRIENDS-
Horfðum á lokaþættina af Friends í gær. Ææææðislegir þættir sko!! Síðasti þátturin var fyrsti og síðasti Friends þátturinn sem ég hef grátið yfir! Ég veit ekki hvort ég hafi verið að gráta yfir þessum "goodbye" momentum eða því að ég ætti aldrei aftur eftir að sjá nýjan Friends þátt. Ég held bara bæði! Jóhanni fannst þetta mjög fyndið. Líka kannski þar sem ég táraðist ekki bara pínu heldur kom alveg buhuuuuu þrátt fyrir að ég hafi reynt að pína það inní mér!

Friðrik er ekkert farinn að láta heyra í sér og ég bara bíð og bíð og bíð!

2004-05-07T02:01:00.000Z

-Stund milli stríða-
Ég veit að skrif mín um þessaða blessuðu lokaritgerð eru kannski farin að vera þreytt en það er bara það eina sem er að gerast í lífinu mínu þessa dagana. Í kvöld fór ég í fyrsta skiptið í aðrar buxur en Casall frá því á laugardaginn og blés meira að segja á mér hárið!! Undanfarna daga hef ég vaknað, tannburstað mig, eldað mér haframjöl með rúsínum, tekið inn vítamínin, tannburstað mig aftur, sett á mig maskara og rölt út í skóla með fullan poka af lesefni um markaðshlutun. Þar hef ég síðan dvalið fram langt fram eftir kvöldi og rotast þegar heim er komið.
Í kvöld elduðum við sambýlingarnir saman ,,síðustu kvöldmáltíðina" og í framhaldinu kíktum við aðeins á kaffihúsið í einn fladöl. Marta mín kíkti með okkur og áttum við gott spjall um allt og ekki neitt.

Ritgerðin fór loks í fyrsta yfirlestur í fyrradag til flæðimeistarans Ólafar Daggar. Ca tveimur tímum eftir að ég sendi henni skrímslið fékk ég meil frá henni sem var hennar "first impression" eftir að hafa lesið fimm kafla. Skilaboðin voru á þessa leið: Gunnhildur þú ert að drepa mig. Þetta er allt of langt og þú verður að skerpa á fókusinum!!
Ég verð að viðurkenna að ég fékk nettan sting fyrir hjartað og reply-aði: Elsku Ólöf mín, ég ætlaði nú ekki að drepa þig úr leiðindum með þessu. Hlakka til að sjá kommentin á morgun.
Nokkru seinna sendi Ólöf mér annað meil um að seinni hluti ritgerðarinnar væri mun betri og því væri þetta nú ekki svona slæmt eins og meilið gæfi til kynna. Mér varð mjög létt. Nú er ég búin að eyða síðasta sólarhring í að lagfæra og betrumbæta. Laga flæði og skerpa á fókus þið skiljið... og sendi á Friðrik í kvöld. Það þýðir ekkert annað en að krossleggja fingur núna og vona eftir góðum en ekki mjög miklum krítiseringum.

Góðar stundir kæru vinir

2004-05-03T12:00:00.000Z

-Nóg að gera-
Maður verður að hafa sig allan við að vinna í bs þessa dagana. Það er svo hættulegt að þegar maður sér fyrir endann á þessu þá finnst manni maður vera bara kominn í frí.
Smá ábending til þeirra sem fara í bs í haust: Reynið að taka fleiri kúrsa fyrir áramót eða fyrri önnina eftir áramót og vera í engum kúrsum seinni önnina þegar maður er sveittur í bs. Samningatæknikúrsinn hjá Sigga var nokkuð þægilegur en þessi viðskiptasiðfræðikúrs er algjört helvíti á jörðu. Þurfum að skila "final paper" í honum á föstudaginn og maður má barasta ekkert vera að því að vinna í einhverju svoleiðis núna. Í þessu verkefni erum við nýir eigendur DV og eigum að búa til siðferðisreglur fyrir blaðamenn.
Eitt sem ég er að spá.... ætla bs´ingar að halda útskriftarveislu?? Mamma er farin að ýta svoldið á mig að svara... ég veit ekki.. heldur maður eitthvað svoleiðis? Ég er meira að sjá fyrir mér gott partý með vinunum bara.

2004-05-01T14:31:00.000Z

-The day after-
Vaknaði með sprungna vör. Mundi ekki hvernig ég hafði komist heim eða hvenær. Jói sagðist hafa leitt mig heim eftir ballið og háttað mig. Ég röflaði allan tímann um að ég væri svo ástfangin af honum og segjandi.. taktu mig!! Efast reyndar um að ég hafi verið eitthvað getnó, haugadrukkin!! Fór yfir til Mörtu þegar ég vaknaði... hún fór heim að pissa um 2 leytið í nótt með Smára sínum og það endaði víst í einhverjum hamagangi. Vala lá í fötunum sínum í læstu herbergi Smára og ég kúrði með henni í smátíma. Fórum þrjár enn haugafullar í Hreddann að éta... hvað er málið með að selja ekki pizzur fyrir klukkan 17.00?? Hittum Höllu í Hreddanum og hún var að segja okkur að ég hefði verið að syngja með Kalla Bjarna en ég man ekkert eftir því og ég get ekki ímyndað mér að ég hafi verið að gera góða hluti. Hún sagðist hafa verið beint fyrir framan mig og var í því að reisa mig við því ég var alltaf dettandi. Enda er ég aum á síðunni og hökunni og jú í vörinni eftir að einhver kíldi mig óvart!
Liggjum uppí sófa núna og Ólöf er komin.. hún var með jakkann minn sem betur fer en veskin okkar Völu fengu að lúlla á kaffihúsinu.
Ég er búin að setja inn myndir en nenni ekki að skíra þær núna.. þær segja sig svoldið sjálfar.

2004-04-30T12:21:00.000Z

-VARÚÐ-
Lisa Pedersen er væntanleg á Bifrastarsvæðið í kvöld. Strákar passið ykkur á henni.. hún er sleip í kjaftinum!

Já það verður sannkallað sportkotsreunion í kvöld nema það að Baddý litla lipurtá er í Danmörku að rannsaka hundakynið fræga stóra-danA.
Við Marta, Ólöf Dögg og Vala ætlum hins vegar að skemmta okkur fram í rauðan dauðann eins og okkur er einum lagið svo passið ykkur á að vera ekki fyrir!! Við erum væntanlegar á kaffihúsið um miðnætti og við verðum allar í rauðum og hvítum "Kalla Bjarna jakka" úr Retró. Eins gott að þið hin þvælist ekki fyrir okkur annars......

2004-04-30T11:57:00.000Z

-Veðurblíða-
Fyrstu 3 daga vikunar var yndislegt veður hér á Bifröstinni og það var hræðilegt að þurfa að hanga inni og skrifa ritgerð. Maður er líka alveg kominn með grænar af viðfangsefninu sínu!!
Sjáið þið bara.... það var setið úti á kaffihúsinu... algjör blíða

Aerobikkið var með fjölbreyttu sniði þessa vikuna. Við fórum í göngu uppá Grábrók á mánudaginn og svo í fyrradag fórum við í Snú-snú og shit hvað það var gaman. Fyndið líka hvað allar mundu hvernig ætti að gera þetta. Fyrst hlaupa allir í gegn.. svo eiga allir að gera 1, svo 2 o.s.frv.
Við stóðum okkur eins og hetjur og hérna eru 2 myndir til að sanna mitt mál.

Eftir brjálæðislega snú-snú keppni fórum við í göngu upp að Glanna og Paradísarlaut í blíðskaparsveðri.

2004-04-27T10:01:00.000Z

-labbilabb-
Fínasta ganga í gær. Gott að fara út eftir langan skóladag og hugsa um eitthvað allt annað ritgerðina.

Þegar heim var komið eldaði ég lasagne en til þess að komast hjá því að þurfa að borða það í þrjá daga þá bauð ég þremur hraustum mönnum í mat með okkur Jóhanni. Það sannaðist alveg að leiðin að hjarta mannsins liggur í gegnum magann á honum!

2004-04-26T14:53:00.000Z

-Mér leiðist-
Juminn ég held bara að þetta sé leiðinlegasti skóladagur sem ég hef upplifað! Meira að segja Bragi Rúnar er að fara yfir um hérna við hliðina á mér. Hann er farinn að trúa því að hann geti fyllt Hreðavatnsskála með því að troða þar upp á sama tíma og Kalli Bjarni verði á Kaffihúsinu næsta föstudag. Sögur herma að Bragi taki Michael Jackson múvin á einstakan hátt
Já ég er að fá svona flashback núna á fyrsta árið mitt hér á Bifröst þegar maður var í einhverju ógó verkefni á mánudegi og var strax farinn að hlakka til næsta fimmtudagsfyllerís. Jafnvel þó ég hafi þurft að láta Jóa stoppa á Subway í Mosfellsbæ á leiðinni hingað uppeftir í gær þar sem ég hljóp inn og faðmaði klósettskálina. Guði sé lof fyrir klósettin fyrir fatlaða!!
Kannski losna ég við þennan varg úr mér við að ganga uppá Grábrókina á eftir. Það verður ljúft að fá sér ferskt loft.... ég hugsa að ég eigi eftir að öskra eins hátt og ég get uppá toppnum. Svo kem ég glöð og sæl heim tilbúin í bs´ritgerðarskrif.
Ég er hætt að heyra hvað hann Jón "ekki góði" Ólafsson kennarinn minn er að segja.. ég er meira að segja að lesa SPAM póstinn minn... spennandi þessir penis enlargement patches.... svona fyrir þá sem þurfa á þeim að halda. Áhugasamir geta sent meil á Felix Gary [garyrg@stankowitz.de]

2004-04-25T11:30:00.000Z

-Here comes the bride-
Já ég er ekki frá því að það hafi orðið svoldið spennufall að vakna í morgun og öllu brúðkaupsstandinu lokið. Að vísu var munnurinn þurr og andfúll og hausinn ekki alveg til í að vakna alveg strax. Ég er mjög sátt við gærdaginn. Erfiðast var að syngja í kirkjunni en svo var veislustjórnin bara skemmtileg. Brúðurinn var alveg gorgious og ég held að allir hafi skemmt sér rosalega vel. Allavega var farin að myndast röð að mígrafóninum, það sungu örugglega 10 manns með hljómsveitinni!!
Nú get ég farið að einbeita mér að ritgerðarsmíðum. Ég geri varla ráð fyrir að koma heim fyrr en ég verð komin með nokkuð gott heildarskjal. Jæja... ætla að snúa mér að Working girl.. maður er að fá smá inspiration fyrir sumarið. Endalaust oft hægt að horfa á þessa mynd.

2004-04-22T10:35:00.000Z

GLEÐILEGT SUMAR
Það er dýrlegt veður úti og svarti bíllinn minn bííííður eftir mér með skrúbbinn... óþolandi hvað sést mikið á svörtum bílum sko. Svo er ég að fara að hitta Kristján til að samræma veislustjórnina. Því næst fer ég að æfa með organistanum . Svo að lokum fer ég út í Garð í kvöld að æfa með hljómsveitinni og svona... Kræst hvað þetta er skemmtilegt!!
Hvað ætli Jóhann gefi mér í sumargjöf????

2004-04-22T10:34:00.000Z

-Frænkupartý & Vinkonukvöld-
Loksins loksins þegar við frænkurnar höldum frænkupartýið sem við höfum ætlað að halda since I don't know when þá er vinkonugathering líka. Ég gerði þó gott úr þessu og fór í bæði. Byrjaði á Nönnustígnum hjá Hrund frænku þar sem við sátum allar á koddum við lágt borð eins og í Japan. Það var sjúklega gaman hjá okkur... fyndið hvað við erum allar miklar skvettur frænkurnar og hlægjum ýkt hátt. Guðný frænka sagði mér svo: jii Gunnhildur var ég búin að segja þér hvað mér fannst alltaf skemmtilegast að gera þegar ég var að passa þig?? Fara í feluleik með þér og svo faldi ég mig þangað til þú varst orðin svo hrædd að þú grenjaðir og grenjaðir. Þá varstu svo roosalega glöð að sjá mig
Leiðin lá svo til Keflavíkur um 11 leytið þar sem stelpurnar biðu spenntar hjá Önnu Lydíu eftir að sjá myndbandið frá gæsun Önnu. Við grenjuðum úr hlátri en juminn hvað ég á ekki að fara í magadans... það var alveg rétt hjá stelpurnum að það mætti halda að ég væri frekar að dansa á Casino en í magadansi... þvílíkar hreyfingar sko. úfff þetta verður verra og verra því oftar sem ég horfi á þetta.

2004-04-20T22:04:00.000Z

-Brandari í tilefni dagsins-
Jónas var á ferð um Róm og Vatikanið og var staðráðinn í að hitta Páfann. Og þarna var hann kominn í langa biðröð í fallegum og dýrum fötum og vonaði að Páfinn tæki eftir hversu vel hann væri klæddur og eiga nokkur blessunarorð við hann.
Páfinn gekk hægt og virðulega meðfram röðinni, en gekk viðstöðulaust framhjá Jónasi án þess svo mikið sem gjóa til hans öðru auganu. Síðan stoppaði Páfinn hjá róna sem húkti í rennusteininum, hallaði sér að honum og hvíslaði nokkrum orðum að honum. Svo hélt Hans Heilagleiki áfram.
Þetta fanst Jónasi óréttlátt. Hann fór og talaði við rónann og eftir smá hark samþykkti hann að þeir skyldu skiptast á fötum fyrir tíu miljón lírur. Með þessu vonaði Jónas að Páfinn myndi taka eftir honum daginn eftir
Daginn eftir var Jónas kominn í röðina snemma dags og beið síðan í illa lyktandi og götóttum fötunum langt fram eftir degi þangað til Páfinn lét sjá sig. Jónas var mjög vongóður að Páfinn myndi segja nokkur vel valin guðsorð við hann. Þegar Páfinn kom loks að þeim stað þar sem Jónas stóð, þá stoppði hann, hallaði sér að honum og hvíslaði: „Var ég ekki búinn að segja þér að drullast í burtu, helvítis ógeðið þitt?“

2004-04-19T14:23:00.000Z

-Komin með 3 vinnur-
Já skjótt skipast veður, sérstaklega hérna á Íslandi. En ég ætla ekki að tala um veðrið heldur átti þetta að vera svona gáfulegur inngangur í umræðu mína. Ég ætlaði nefnilega að deila því með ykkur að ég get hætt að væla um að enginn vilji ráða mig í vinnu þar sem ég er komin með 3 vinnur í sumar. Aukavinnurnar 2 eru þær að ég sé um bókhaldið í pulsuvagninum og vinn hjá Vallarvinum á fimmtudagskvöldum við innritun og svoleiðis.
Aðalvinnan mín er sú að ég er að verða aðstoðarverslunarstjóri í Samkaup í Njarðvík. Ekki bara í sumar heldur for good!! Já litla ljónið fær að njóta sín sem stjórnandi í flagskipi Samkaupa HF. Nei ég held ég verði nú ekki alveg svona ströng hahaha
Nýráðinn verslunarstjóri þar er Gunnar Egill sem útskrifaðist héðan í fyrra en Samkaupsmenn segja Bifrestinga henta mjög vel í stjórnendastörf! Ekki amalegt það!!

2004-04-18T11:33:00.000Z

-Tónlist-
Ég held að ég sé með breiðasta tónlistarsmekk í heimi. Ég get alveg tapað mér ein í bílnum á brautinni með FM957 í botni þar sem axlirnar fá eigin hugsun og hreyfingarvilja og síminn eða kristal flaskan breytast í mígrafón. I´m not in love... it´s just a phase that I´m going through...
Svo getur íslenska stelpan poppað upp en það gerist sérstaklega í kringum hestamenn og þá dilla ég mér við diggiliggilælæ og fleiri góða slagara. Ég á það nú líka til að skella Geirmundi eða Bjögga á fóninn í partýum við misgóðar undirtektir en það er bara svona okkar á milli... ok?
Nú er ég alein inní hátíðarsal snemma á sunnudegi að henda könnununum inn í forritið og þá er tilefni fyrir svona þægjó tónlist. Rólegt rokk með seiðandi karlmannsrödd í forsprakki hefur þá vinninginn. Það koma auðvitað nokkrir til greina en sá sem hefur átt vinninginn frá því ég heyrði fyrst í honum er John Mayer. Ég sá að Tótla setti texta af einum af hans lögum inn hjá sér um daginn enda snótin sú smekkgóð á tónlist.
Ég ætla að deila með ykkur nokkrum af mínum uppáhalds John Mayer lögum en bendi ykkur einnig á að tónlistardiskurinn hans Any given thursday er inn á EDGAR ef þið viljið meir!
Comfortable
Back to you
Your body is a wonderland
Man on the side
og síðast en ekki síst er það Myndband með kappanum en hann er nefnilega damn fine looking!!

2004-04-18T11:23:00.000Z

-Góðan daginn. Gunnhildur heiti ég og.....-
Ég hef tekið ákvörðun um það að ég mun ALDREI fara að starfa hjá Gallup við það að hringja út spurningakannanir. Já og engan annan heldur!! Eftir tveggja daga törn er ég komin með 250 svör í könnuninni minni. Ég ætla ekki að eigna mér heiðurinn af þessu alveg þar sem ég fékk hjálp frá Skúla, Kareni, Ólöfu Dögg, Önnu Lydíu og Röggu og hljóta þau KÆRAR þakkir fyrir!
Ég ætla mér að fá 100 svör í viðbót en ég gat ekki hugsað mér að hringja út í dag líka og er því að stússast núna í að henda svörunum inn í SPSS sem er btw þrusu gott og þægilegt forrit. Sigrún Ýr frænka fær kærar þakkir fyrir að kenna mér á það.
Jæja... þetta er farið að hljóma eins og formáli í lokaverkefni.

2004-04-14T20:35:00.000Z

-Hvar eru myndirnar frá gæsapartýinu??-
Já ég fékk bara hálfgerðar skammir í dag fyrir að vera ekki búin að henda inn myndunum frá gæsapartýi Önnu Lydíu. Nú eru þær komnar inn
Ég var reyndar mest á videokamerunni svo þetta eru einungis myndir frá Hard Rock og í bílnum á leiðinni heim. Gæsin var fremur fyrirferðarlítil á heimleiðinni en það var nokkuð ljóst að partýið var aftur í!!

2004-04-14T18:55:00.000Z

-Keppni-
Frábært hvað lesendur tóku sig strax til og redduðu mér nótunum af laginu Ást. Ekki nóg með það að Birta Rós linkaði mér lagið heldur hringdi Guðrún Ósk vinkona líka í dag og þá var hún einmitt búin að finna þetta fyrir mig líka þessi elska. Algjör snilld!
Nú vantar mig hins vegar nótur við annað lag og það virðist vera heldur erfiðara að finna. Það er lagið Ást við fyrstu sýn sem ég bloggaði einmitt um hér í þarsíðustu færslu.
Athugið að það eru vegleg verðlaun í boði fyrir þann sem kemur fyrstur með þetta.
Sá sem vinnur fær pulsu og kók á Pulsuvagninum í Keflavík.

Einn, tveir og nú!!

2004-04-14T01:13:00.000Z

-Kæri Jón Ólafsson-
Ég er búin að gera dauðaleit af nótum af laginu Ást eftir Magnús Sigmundsson .Svo fékk ég snilldarhugmynd...Hei, ég sendi bara Jóni Ólafssyni póst og bið hann um að vera svo góðan að senda mér nóturnar.

Fyrirspurnin var eftirfarandi:
Sæll Jón
Gunnhildur heiti ég og er að fara að syngja við brúðkaup 24.apríl. Ég á að syngja lagið Ást eftir Magnús Sigmundsson og er í mestu vandræðum að finna nótur við lagið. Ég vona að ég sé ekki dónaleg að spyrja þig hvort þú getir nokkuð mögulega sent mér nóturnar??
Með von um góð viðbrögð og hjálpsemi
kveðja
Gunnhildur Erla

Svar barst innan 10 mínútna:
á engar slíkar till
spila eftir eyranu
kv.
jón

Maðurinn er auðvitað bara snillingur, hvað annað. Langaði helst að senda honum reply og biðja hann að kenna Steinari organista að spila lagið en æi.. ég kunni ekki við það!

2004-04-11T22:00:00.000Z

-Músíka-
Ég heyrði svo fallega útgáfu af laginu Ást við fyrstu sýn, sem Páll Óskar gerði frægt hér um árið. Þetta er sungið af Regínu Ósk og Friðriki nokkrum. Ég var að hlusta á þetta í botni í bílnum í dag, fékk gæsahúð um allan líkamann og var alveg við það að tárast eins og einhver lovesick teenager. Juminn ég byði allavega ekki í að hlusta á þetta í ástarsorg.
Mig langar að deila þessu lagi með ykkur af því að þið eruð svo æðisleg Gjössovel...

2004-04-11T21:50:00.000Z

-Gleðilega páska-
Mikið finnst mér páskaegg góð á bragðið..nammmmm. Súkkulaði hefur alltaf verið minn helsti veikleiki og því hefur þetta verið mín uppáhalds hátíð. Þegar ég var lítil þá var rútínan alltaf þannig að ég vaknaði með leiðarvísi við hliðiná mér. Við tók dauðaleit af páskaegginu og það voru mikil fagnaðarlæti þegar það fannst inní þvottavélinni eða bílskúrnum eða eitthvað. Ég hlammaði mér í sófann, reif utan af egginu og át það fyrir framan "ljónið, nornina og skápinn" sem var alltaf í sjónvarpinu á páskadag!
Ég skildi aldrei vinkonur mínar sem gátu átt páskaeggið sitt í marga daga eða fengu svo illt í magann af svona miklu súkkulaðiáti. Ég kláraði mitt egg undantekningarlaust á Páskadag og heimilisfólkið mátti bara passa sig að skilja eggið sitt ekki eftir í minni augsýn.

Í dag eru páskarnir með nokkuð breyttu sniði. Páskarnir eru orðnir mikil djammhátíð og ég hef undanfarin ár vaknað þunn á Páskadag. Í stað þess að þurfa að leita af egginu þá bíður það í eldhúsinu eða gluggakistunni minni og ég hef ekki eins mikla lyst á því og á yngri árum sökum brennivínsdrykkju.Í gær var partý hjá Hildi "frænku" Björnsdóttur og þaðan var rölt í Stapann að fagna Íslandsmeistaratitli Keflvíkinga í körfubolta. Ágætis ball en samt mikið af allskonar liði sem maður þekkti ekki neitt. Var komin heim um 2.30 á undan mömmu minni sem var í góðu grúvi á ballinu.....

2004-04-08T15:47:00.000Z

-Stjörnuspá-
Ljónið er mjög sjálfstætt og þrjóskt merki. Þú getur líka verið mjög hávær, stundum það hávær að þig langar til að öskra. Það er gott því þá ertu orkumikil/l og nýtir hana vel. Fóki finnst alveg æðislegt að hafa þig í kringum sig og þú getur fengið athygli frá öllum. Þú ert mikil partý manneskja eða vilt alltaf hafa eitthvað að gera og vilt helst hafa mikið af fólki í kringum þig. Þú ert oft svo upptekin/n að ástarlífið á það til að sitja á hakanum án þess að þú takir eftir því. Þú ert eitthvað hljóðlátari núna en það er bara lægð sem líður hjá.

Tekið af -orðlaus

Juminn það mætti bara halda að ég hefði samið þetta sjálf í einhverju gríni nema kannski næst síðustu setninguna... æm ðí lovgúrú gúdd pípol

Það er spurning hvort þetta hefði kannski átt að fylgja á CV-inu... ég fengi allavega að undirbúa starfsmannadjömmin og svona.

2004-04-08T10:36:00.000Z

-Sumarið er tíminn-
Hugur minn snýst í hringi. Eftir allar þessar nálastungur hlýtur þetta jafnvægi yin og yang að vera að komið á því ég hugsa svo mikið og ég dreymi líka alveg svakalega mikið. En hvað er ég að hugsa svona mikið um?? Jú... hvað á ég að gera í sumar?? Nú er nefnilega komið að þessum tímamótum í lífi mínu og fleiri sem eru að útskrifast að maður þarf að finna sér eitthvað að gera. Þegar ég hóf námið þá dreymdi mig um þetta augnablik og sá fyrir mér atvinnutilboð frá flottustu fyrirtækjunum. Já ég sem verð búin borga um milljón í skólagjöld hlýt bara að eiga rosalegt forskot á hina viðskiptafræðingana. Og ég hélt líka að ég væri þessi stjórnendatýpa í mér.... ég meina... ég er allavega ljón, telur það ekkert??
En hvað gerist þegar litla Gunnhildur töltir til "the big shots" með ferilskránna sína. Jú mér líst vel á þetta en það er bara ekkert laust hjá okkur eins og er! EKKERT LAUST EINS OG ER!! Hvað á ég þá að gera?? Ef ég vil vera í Reykjavík þá þarf ég bara að fara að sækja um eitthvað starf sem greiðir mér 100 þúsund krónur á mánuði.. og mig langar það bara alls ekki neitt!! Ég ætlaði að fá 300 þúsund svo ég gæti farið strax útí að kaupa mér íbúð með mínum ektamanni.
Já kæru lesendur... útlit vinnumarkaðarins er svart! Það lítur allt út fyrir að ég verði í alein og yfirgefin Keflavík í sumar að reka Pulsuvagninn fyrir foreldrana. Þar fæ ég allavega almennileg laun og þar sem Skúli og Jói verða báðir í bænum þá þarf ég bara að þvo minn þvott í sumar!
-Lifið heil

2004-04-04T13:05:00.000Z

-Passion of Christ VARÚÐ-
Þessi mynd er ekki fyrir þá sem hafa ekki hjarta úr steini!! Þetta er ógeðslegasta mynd sem ég hef nokkurn tíma séð. Hún slapp svona fyrir hlé en eftir hlé hófst hýðingin. Ég hélt ég myndi nú hafa þetta af með því að halda fyrir augun og telja uppá 39 en guð minn góður. Ég svoleiðis grenjaði og grenjaði og það endaði bara með því að sagði við Jóhann að ég væri farin og myndi bara sækja hann á eftir. Við vorum í Smáranum og ég gat ekki hugsað mér að fara strax niður. Ég þurfti að fara inn á klósett og gráta pínu meira og reyna svo að hressa upp á lúkkið.

2004-03-31T22:37:00.000Z

-Daginn í dag.. daginn í dag, gefur drottinn guð, gefur drottinn guð-

Ef það er eitthvað sem ég kann ekki og nenni ekki að gera þá er það að vera heima hjá mér að slappa af þegar ég er ekki þunn. Ég neyddist samt til þess í gær, horfði á 4 CSI þætti sem ég var búin að setja í tölvuna svo ekki sé minnst á KÖRFUBOLTALEIKINN. Þvílík snilldarskemmtun!!
Keflvíkingar fóru gjörsamlega hamförum og áttu sigurinn svo sannarlega skilið. Steinar átti fínan leik með Grindavík en mér finnst nú orðið too much þegar helmingurinn á vellinum eru af afrískum uppruna, Grindvíkingar með 3 kana og Keflvíkingar 2.
jæja... hvar var ég... já slappa af... nei nenni engu svoleiðis. Fór á Bókasafn Reykjanesbæjar klukkan 10 í morgun að vinna í ritgerðinni. Ég komst á fínt flug og var straight til klukkan 19.30. Ég hætti ekki fyrr en ég var orðin sátt við fræðilega kaflann minn og svo var hann sendur með honum emil til Friðriks. úfff hvað ég ætla að vona að ég fái góðar undirtektir frá honum.

Á morgun er það svo atvinnuviðtalið stóra og ég er búin að vera að reyna að punkta hjá mér styrkleika mína og veikleika, hvernig ég sé sem stjórnandi, hvað ég vilji vinna við, hvernig vinir mínir myndu lýsa mér og fleira. Það er svoldið erfitt að fara í svona djúpa sjálfsskoðun.

Ég hitti á Billy og Juha vini mína frá USA og Finnlandi sem voru í Lüneburg á msn áðan. Billy var að gefa mér hugmyndir fyrir 1.apríl gabb á Jóhann; Settu klór í sjampóið, settu hundakúk undir hurðina á bílnum, límdu klósettsetuna, stilltu allar klukkur 2 tímum fyrr. Ég hef aldrei verið góð í 1.apríl djóki... lýg kannski að það sé könguló í hárinu á einstaklingi eða eitthvað... alveg laim!

Jæja.. nóg í bili, góðar stundir

2004-03-30T19:20:00.000Z

-Sloj en ekki drukkin-
Þurfti að fara í smávægilega aðgerð á Heilbrigðisstofnun Suðurnesja í morgun. Ég hafði aldrei áður verið svæfð, byrjaði fljótlega að brosa eftir að ég fékk kæruleysissprautu, fann ljósið sem ég horfði uppí skærast og svo bara BÚMM!
Var vakin eftir aðgerðina en man bara eftir að mér var sagt að aðgerðin hafi gengið vel og svo sofnaði ég aftur. Rumskaði svo ca tveimur tímum seinna með næringu í æð og eitthvað hjartalínurit sem var tengt við eitthvað sem var reyrt utan um upphandlegginn á mér. Ég var ýkt sloj en alltaf vaknandi við það að draslið utan um hendina á mér var alltaf að herpast að mér og hjartalínuritið fór að pípa. Hjúkkan kíkti reglulega inn þegar tækið pípti og spurði mig lokst hvort ég væri mikið að æfa. Ég jánkaði því og bullaði eitthvað í kringum það og þá sagði hún að ég væri með svo rosalega lágan hvíldarpúls, greinilega með sterkt og gott hjarta Tækið hefur því alltaf verið að pípa því það hélt hreinlega að ég væri að drepast
Fékk að fara heim strax í dag og er alveg í bómul hjá mömmu og pabba. Læknirinn sagði að ég yrði að taka því rólega fyrstu 2 vikurnar, engin leikfimi og engar ríðingar... þá er ég að sjálfsögðu að tala um hestamennskuna perrarnir ykkar
Mig langaði svo að fara á körfuboltaleikinn Grindavík-Keflavík en þar sem það getur ekki flokkast undir það að "taka því rólega" keypti elsku mamma mín bara SÝN inn fyrir mig vei vei

2004-03-28T13:18:00.000Z

-Gæsun-
Anna Lydía vinkona fékk aldeilis að finna fyrir því í gær þegar 12 óðar stúlkur tóku sig til og gæsuðu hana. Hún var heima að græja sig fyrir fermingarveislu og Óli var eitthvað að reyna að treina að fara því við vorum að koma að sækja hana. Það var allt í rugli hjá okkur þarna fyrst en það er of löng saga að segja frá. Við komum heim til hennar á 15 manna van og ruddumst inn. Hún átti engan vegin von á okkur þar sem hún var að fara í þessa fermingu og var eiginlega viss um að við kæmum næstu helgi, gaman gaman. Hún var klædd upp í gamlan hallæris BLÁAN sundbol af mömmu, leggings, tjullpils, með kórónu, vængi og sprota.
Við brunuðum til Reykjavíkur á "gæsamerktum kagganum" Flautið, gæs í bílnum. Fyrst fórum við í magadans og það var baaara gaman. Djöfull vorum við rosalega lélegar í þessu! Því næst fórum við í Baðhúsið í HEITAN pott, 42° takk fyrir og dudduðum okkur þar upp. Sársvangar héldum við svo á Hard Rock og snæddum þar rosa fínan mat, sungum og sungum og svo var Anna tekin uppá borð af ofanberum strákum með stjörnuljós, flautu og banana.
Gæsin var orðin ansi hífuð og veiktist svoldið á heimleiðinni hehe. Hún harkaði það þó af sér og við fórum í Stapann þar sem við máttum leika okkur í Karokee með opinn bar og svona. Fífluðumst þar í svoldinn tíma og fórum svo á Duus að dansa af okkur ressgetið. Ég hef ekki heyrt í gæsinni í dag en mér skilst að það sé búið að vera svoldið um uppgang á þeim bænum haha

2004-03-27T16:06:00.000Z

-Kvennatölt-
Haldiði að ég hafi ekki bara farið að keppa í kvennatölti í gærkvöldi og náð 2.sæti í sterkasta flokknum. jubbííí!!
Fleiri góðar fréttir... ég er að fara í vinnuviðtal hjá Össur í næstu viku

2004-03-27T08:52:00.000Z

-dúddídúú-
Það varð einhvernvegin ekki eins mikið úr skrifunum hjá mér í gær og ég hafði vonað. Ég byrjaði daginn á að fara í ræktina klukkan 6 og svo þegar ég var búin að borða hafragrautinn minn og sest til skrifta þá syfjaði mér svona rosalega. Æi ég ákvað nú að hvíla augun pííínu pons þar sem ég hafði vaknað svo snemma. En viti menn... ég steinrotaðist til 12 og vaknaði þá bara við það að allt vatnið sem ég hafði þambað í ræktinni vildi komast út! Ég dútlaði eitthvað aðeins í fræðilega skjalinu en fann mér einhvernvegin eitthvað allt annað að gera. Já ég fór meira að segja í nálastungur. Nú ætlar stelpan að reyna koma á jafnvægi milli yin og yan eða hvað þetta nú heitir. Fór til einhvers kínafólks hér í Keflavík og haldiði að konan hafi ekki bara labbað á bakinu á mér og nuddað mig með tánum og hælnum á sér. Mjög undarlegt. Þar sem ég hef verið tossast svo með að fara í nudd voru axlirnar alveg orðnar uppfullar af vöðvabólgu og voru nálastungurnar svoldið óþægilegar. Ég gat ekki hreyft mig á meðan þetta var í mér.
Það er nett pirrandi að þetta fólk skilji ekki alveg íslensku og talar ekki mjög góða ensku heldur. En guð minn góður hvað þau geta talað mikið saman á sinni kínversku. Það eru bara tjöld milli klefanna og þau muldruðu hæ-sha-lí-na (mín útgáfa á kínversku) stanslaust og á tímabili hélt ég virkilega að konan væri að reyna að rekja einvhverja illa anda úr líkamanum mínum því hún tautaði og tautaði.
Í næsta klefa var kona sem var augljóslega í nuddi því ég heyrði alveg ó-æ-vont þarna! Svo voru þau komin tvö inn til hennar að tosa hana sundur og saman. Konan spurði svo hvort hún ætti að vera með hökuna í gatinu. Ekkert svar svo hún spurði aftur: Á ég að vera með hökuna í gatinu?Það kom langt hik áður en kínastúlkan svaraði á sinni kínversku íslensku: Ja vi baga teygja bakinu. Ég var alveg að springa úr hlátri en konunni var ekki skemmt: Á ég að vera með hökuna hér eða hér??
Þessi therapía minnti mig á þegar kínastúlka á Heilsudrekanum setti tattoo á augabrúnirnar á mér (ó nei ég er að koma upp um fegurðarleyndarmálið!! :) Hún ætlaði aldrei að geta teiknað þær alveg eins og ég var að reyna að segja henni að mér finndist þessi eiginlega vera ofar en hin og aðeins styttri og þar fram eftir götunum. Ja, tessi meiga upp, ahh tessi lengur!! Arrrgg ég var alveg að tapa mér þarna inni!!

2004-03-25T23:21:00.000Z

-Kraftur í kellu-
Dagurinn var tekinn snemma þar sem hann átti að verða stórmerkilegur. Ég lagði leið mína í Bókasafn Reykjanesbæjar, opnaði wordskjal sem ég skýrði Fræðilegt og byrjaði að skrifa. Áður en ég vissi af var ég búin að skrifa 7 síður. Rosalega er þetta mikill léttir. Á morgun ætla ég síðan að halda áfram að skrifa.
Ég kíkti á Kristján í dag en við verðum veislustjórar í brúðkaupi hjá Önnu Lydíu og Óla 24.apríl. Það er helling sem þarf að plana en við erum greinilega mjög samstillt í þessu, enda búin að þekkjast nánast alla æfi. Við vorum alltaf saman í bekk en við vorum ekki alltaf vinir. Nei það kom nefnilega svona tímabil sem við hötuðumst alveg ótrúlega og hann klippti andlitið á mér meira að segja út af bekkjarmyndinni í 4.bekk held ég. Hversu sick er það!!!
Fór að vinna í kvöldmatnum í pulsuvagninum mínu. Það er nú alveg nauðsynlegt að fá að grípa í þar annaðs lagið og selja svöngum Keflvíkingum hamborgara með tómat, sinnep, steiktum, hráum, remolaði, rauðkáli og gúrkum. Já nammi namm hugsa örugglega sumir en ooojjjj kannski einhverjir sérvitringar. Þarna hitti ég líka alltaf svo marga. Hitti til dæmis Birgittu, fyrrum Bifresting sem er að fara að eiga barn eftir 10 daga. úfff hvað hún er ólétt!!
Lokahnútur dagsins var svo hnýttur í hesthúsinu í kvöld. Reið út og skráði mig meira að segja í kvennatölt Mánakvenna sem fer fram á morgun. Bara gaman að vera með. Marta þykist eitthvað ætla að fara vera dugleg í ritgerðinni núna og tók ekki áskoruninni minni. Ritgerð smitgerð!!

2004-03-24T22:41:00.000Z

-Blogg frá Kef-
Alltaf gott að koma heim. Hitti á Friðrik leiðbeinanda í dag og fékk smá spark í rassinn. Já ég held að maður þurfi að fara að hellar sér í ritgerðarsmíð af heilum hug og hætta þessu dangli!!
Ætlum ekkert að fara uppeftir fyrr en á sunnudaginn þó svo að það sé prófsýning á morgun. Ég leyfi mér bara að segja það hér og nú að ég er ekki að fara að falla í neinu!

Var að setja inn myndir frá Akureyri. Náði mér í nýtt forrit sem ég er ekki mjög hrifin af en picturetrail er orðið fullt og ég er að vinna í að fá annað forrit. Það er svo leiðinlegt að þurfa að skrolla niður við hverja mynd.
-Enjoy

2004-03-22T17:51:00.000Z

Verð að birta hér eina sem Rósa tók af okkur Mörtu og Unni í Hreddanum á fimmtudaginn. Það er alveg eins ég sé þroskaheft og Marta sé með mig í tilsjón.... hún skammast sín svoldið fyrir vinkonu sína þarna held ég.
Takið líka eftir transinu sem Unnur er í!

2004-03-22T14:12:00.000Z

-Tilkynning-

Smá breyting á erobikkfyrirkomulaginu. Ég verð að kenna þessa viku og Tanía næstu.

Sjáumst hressar smessar

2004-03-22T11:24:00.000Z

-Akureyri-
Já það var Halló Akureyri um helgina. Strákarnir okkar Bifrestinga voru að fara að keppa í handbolta og við drifum okkur nokkrar dyggar stúlkur til að styðja við bakið á okkar mönnum. Alma og Rannsý komu með okkur Jóhanni í bíl. Við vorum nú ekki nema 2 1/2 tíma að bruna þetta með "völustoppi" á Blönduósi. Nýi kagginn stóð sig alveg gassalega vel en jæææks hvað hann eyðir miklu meiru en Silfurskottan!
Addi og Sif fóru úr bænum yfir helgina svo við vorum bara home alone fyrir utan perskneska köttinn. Ég fékk litlu frænkurnar mínar og voffann í láni á laugardaginn og það var farið yfir stafrófið og klætt sig í öskudagsbúninginn og svona.
Hópurinn fór saman að borða á laugardagskvöldið, fínasta pizzahlaðborð í Lindinni. Svo kíktum við aðeins á Café Amor og Café Akureyri. Sumir voru mjöög rólegir og eitthvað stressaðir fyrir handboltamótið en aðrir voru nettari. Það voru nokkur kunnugleg andlit á Café AEY. Jón Óskar fyrrum Bifrestingur og nú að vinna sem kaupfélagsstjóri á Dalvík var í góðu stuði. Tannlæknanemar HÍ voru þarna og í þeim hópi voru Valdi, Sonja og Birta Rós. Knattspyrnufélag Reykjavíkur, betur þekkt sem KR voru þarna ásamt þjálfara sínum og fyrrum kennara mínum Willum Þór Þórssyni. Hann eldist nú helvíti vel karlinn... tók mynd af honum frá öllum sjónarhornum... fyrir Imbu sko... ekki mig!!
"Sumum" Bifrastarstúlkum fannst líka ákveðinn markmaður KR-inga voðalega sætur...*hóst*
Það stóð til að við Marta myndum lúlla saman í hjónaherberginu en nýju turtildúfurnar voru ekki tilbúin að sofa í sitthvoru lagi svo Jóhann kom heim með mér og Marta og Smári fóru saman í Lónsá.... Braga til mikillar ánægju eða þannig... seigiggimeir seigiggimeir.. múhahaha

Það var ekki sofið mikið laugardagsnóttina. Fórum uppí um 4 leytið og svo vaknaði ég með rassgatið á kattarófétinu í andlitinu á mér klukkan 8. Klukkan var stillt á 9 svo ég skrölti bara framúr.
Það var föngulegur strákahópur sem tók á móti okkur í KA heimilinu. Strákarnir OKKAR aldeilis til í slaginn. Við áttum fyrsta leik við Hött og þrátt fyrir að strákarnir hefðu verið frekar lélegir í þeim leik þá tókst þeim að sigra mjög slakt lið Hattar. Hinn leikurinn var hins vegar ekki eins auðveldur. Gamlar KA hetjur í samblandi við unga og efnilega KA menn. Það var þvílík barátta í þessum leik og við grúbbíurnar vorum að fara yfir um á bekknum. Þessi leikur tapaðist naumlega en það er ekki hægt að segja að Bifrestingarnir hafi ekki lagt sig fram.
Við stelpurnar skemmtum okkur vel öskrandi á dómarana, hlægjandi af plömmerum og hvetjandi okkar menn.

2004-03-19T22:17:00.000Z

-Myndir-
Vei vei myndir komnar frá Strákafríkveldinu. Tók nú engar í Hreddanum samt.

2004-03-19T17:17:00.000Z

-Strákafrí-
Já Jennifer kom svo sannarlega sterk inn í gær og líkaminn minn ber þess merki í dag. Hausverkur og svimi og marblettir á mjöðm og herðablaði.
En... það er alveg þess virði því það var alveg geggjað gaman í gær. Stelpukvöldið heppnaðist rosalega vel, 70 kellur og allar í rauðu, rosa sætt!
Við Anna Begga fluttum nokkur lög við svaka góðar undirtektir og við vorum pantaðar að syngja á útskriftinni í vor, ekki amalegt það!! Ingibjörg Þorsteins flutti rosa góða ræðu eins og henni einni er lagið, frábært að hlusta á hana hún talar af svo mikilli sannfæringu. Sigrún Hjartar var líka með fyndinn pistil um karlmenn en svo var einhver disspistill frá Sighvati,helvítis remba bara!!
Við sulluðum heilmikið í okkur á CB enda allt svo ýkt ódýr. Ég var ýkt grand á því, keypti cider fyrir okkur fjórar (400 kall) hehe
Við kíktum svo í partý til Sebastian eftir CB og sturtuðum aðeins meira í okkur og svo til Rannsýar og jú auðvitað sturtuðum við aðeins í okkur þar. Við löbbuðum svo í Hreddann í skítakulda en fundum ekki mikið fyrir því (kannski vegna ölvunar??). Gullfoss og Geysir voru að DJ-ast í Hreddanum en ég get eiginlega ekki skrifað neitt meira um þetta því ég man ekkert...
Fékk skýringu á marblettunum áðan. Ég fór inn til Davíðs og Röggu í nótt og ætlaði að setjast á rúmstokkinn hjá þeim, hitti ekki og hrundi á hillurnar,munaði víst klofnuðu píkuhári að ég fengi sjónvarpið yfir mig.

2004-03-18T13:02:00.000Z

-Setning dagsins-
Já það er ekki langt liðið á daginn en mér finnst ég samt tilneydd að birta hér setningu dagsins:

Ég er ekkert ójákvæð!!!
-Marta Jónsdóttir VD3

2004-03-17T20:54:00.000Z

-Strákafrí-
Vá hvað þetta stelpukvöld er bara aðalumræðuefnið hér á Bifröstinni. Það eru ALLAR að fara sem maður talar við og vá hvað verður örugglega skemmtilegt. Frábært framtak hjá Tótlunni, Helgunni og Maj Britt. Alveg stór plús í kladdann frá mér!!
Svo verður áfengið svo ódýrt að ég þarf ekki einu sinni að fara í ríkið. Hvað er það að láta hvítvínsflösku kosta 600 kall og gosbjóra 100 kall?? Guð hvað maður á eftir að vera á skallanum held ég.
Ég held að barasta að hún Jennifer komi á morgun en verst að Lisa Pedersen verður fjarri góðu gamni. Það þekkja kannski ekki allir Jennifer þannig að ég lét hér fylgja mynd af henni.
Hún er lengst til vinstri. Helvíti hress pía!

2004-03-16T15:25:00.000Z

-Svaraðu...kallinu...frá méééér-
Já ég læt ekki segja mér tvisvar að fara að blogga. Það er greinilegt að maður má ekki taka sér pásu 1 dag! Jóhann er farinn í bæinn og er akkúrat í þessum skrifuðu orðum með Silfurskottuna í söluskoðun. Allt annað er frágengið svo hann kemur uppeftir á fimmtudaginn nýjum Avensis vei vei vei
Var að mæla 3. mælinguna og það virðast vera svoldið margir sem ætla að skrópa í þessari mælingu. Já ef þú ert að lesa þetta og átt að koma í mælingu til mín þá er það ekki of seint!!
Stefnan er tekin á Akureyri um helgina. Bifrastarstrákarnir eru að fara að keppa í handbolta og ég ætla að skella mér með. Styðja við bakið á strákunum, knúsast í litlu frænkum mínum og kíkja aðeins á tjúttið. Já Heiða, Marta og Rannsý eru nebbla að fara líka svo þetta verður heljarinnar fjör. Addi og Sif eru að fara úr bænum um helgina svo ég fæ bara lykil af Vestursíðunni, ekki slæmt það!
Vá ég hlakka svo til að fá nýja burrann minn. Ég held ég verði bara svona á leiðinni norður: Hei þið þarna.. ég á líka flottan bíííl nananananana

2004-03-14T22:08:00.000Z

Þessi mynd er svo mikil snilld að ég verð að deila henni með ykkur.
Ok NÚ er ég að fara að læra!!

2004-03-14T21:56:00.000Z

-Nenniggi læra-
Þá erum við komin uppeftir og ætlum að vinna í lokaritgerðinni í mannréttindum í kvöld. Ég er hins vegar bara búin að vera að hanga á veraldarvefnum og finn mér eitthvað annað að gera. Eins og bara það að blogga um ekki neitt en ég hlýt að hafa eitthvað skemmtilegt að segja.....
Fór með Önnu Lydíu og Írisi Sig á kvennakvöld í gær sem var mjög skemmtilegt þrátt fyrir að grænmetið hafi klárast og við þurft að bíða eftir að keyptar voru fleiri frosnar gulrætur í suðuna. Loksins þegar maturinn kom þá var lambið eins og súpukjöt á bragðið og kartöflurnar voru soðnar og óskrældar, ferlega óspennandi. Svo var ekki hægt að fá kók heldur bara Bónus cola á 200 kall. Allt góða á barnum kláraðist fyrir 11 og þá var bara Holstein bjór og jarðaberja woodys eftir. En nóg af því neikvæða. Jón Sig Idolstjarna kom og það þurfti örugglega að djúphreinsa sætin í KK salnum í morgun svo óðar voru kellingarnar í hann. Hann var helvíti skemmtilegur (enda þurfti að vera nokkuð góður fyrir 50þús. kall) og svo vildu allar fá knús frá honum. Ég pikkaði í hann þegar hann var að labba framhjá okkar borði og sagði honum að Íris vildi ólm fá knús en þyrði ekki að spyrja sjálf haha. Það var auðvitað ekkert sjálfsagðara og hann knústi hana og kyssti rembingskoss!
Heimilistónar er hljómsveit leikkvennanna Röggu Gísla, Ólafíu Hrannar, Elvu Óskar, Kötlu Margrétar og Vigdísar Gunnars. Ragga var hins vegar fjarri góðu gamni en djöfull voru þær ógeeeðslega fyndnar og skemmtilegar. Ólafía Hrönn er náttla bara algjör snillingur og þegar hún söng lagið Crazy, þýtt sem geðveik og þunglynd þá hélt ég að ég myndi míga í mig. Hún nýbúin að opinbera það fyrir alþjóð að hún sé búin að vera svo þunglynd.
Við kíktum svo á Duus og dönsuðum af okkur báða rassana. Hitti fyrir nokkra spræka Bifrestinga þar, Berglindi Ósk, Kristján, Gauja, Ingva og Bjadddna. Heyrðu já og Bjarni var í Dipsybúningnum hans Inda... hvað var það???
En verð ég ekki að fara að skrifa um "the power of multinationals" núna....

2004-03-13T12:11:00.000Z

-Bítlaæðið-
Fórum á West end showið í gær í laugardagshöllinni með gamla settinu mínu. Þetta var ferlega skemmtilegt show en það sem skemmdi frekar mikið hversu mikið var lagt uppúr leiknum að það bitnaði á söngnum. Þetta voru allt erlendir skemmtikraftar í aðalhlutverkunum og að mínu mati hefði ekki þurft að flytja þetta show sérstaklega inn til landsins. Sinfóníuhljómsveit Íslands spilaði undir og það hefði vel verið hægt að fá 4 íslenska snilldar söngvara til að sjá um þetta.

Heyrðum auglýsingu á leiðinni í bæinn frá B&L. Þeir voru með 48 mánaða vaxtarlaus bílalán, pælið í því!! Við komum auðvitað við þar en sáum aðeins einn bimma sem hefði getað komið til greina. Ég hringdi svo í eiginlegan bílaráðgjafa minn og hann sagði þennan bíl vera með alltof þungt body fyrir 1600 vél og blebleble.
Við kíktum því aðeins á Toyota og nú erum við að fara að prufukeyra Toyota Avensis 2002 módel ekinn 27þús km. Vei vei vei

Þar til seinna, lifið heil
-Drekinn

2004-03-11T18:49:00.000Z

-Hátíðardagur-
Hann pabbi minn á afmæli í dag og í tilefni af því sullaði ég saman í skyrtertu. Hún átti reyndar upprunalega að vera allt öðruvísi en hún varð að lokum en hún varð bara svona líka svakalega góð og ég átti í mestu vandræðum með að halda smá horni eftir handa henni Ölmu.
Auðvitað tók ég mynd til af Mörtu minni að gúffa í sig afrakstrinum.

2004-03-10T15:06:00.000Z

Jæja, skvæsunni gekk bara svona rosalega vel í munnlega prófinu hjá Erni og það kom sér sérstaklega vel að ég hafði fylgst með ákveðnum 60 minutes þætti um daginn og náði að fletta hann inní svarið hjá mér.

Rosalega lýst mér vel á þetta Stelpukvöldsframtak hjá Helgu Kristínu og þeim. Þetta verður örugglega svakalega gaman og við Marta erum að reyna að ná Baddý, Völu og Ólöfu Dögg hingað uppeftir. Fá smá svona Sportkots-stemmara!

HEI ef ykkur leiðist þá var ég að fá þennan link sendan. Alveg magnaður andskoti!!

Jæja það þýðir víst ekkert að hangsa. Nú er Uma Sekaran mættur til mín og í sameiningu ætlum við að fara að tækla Bjarna Jónsson

2004-03-09T13:19:00.000Z

-Daddaraaa-
Já nú er stelpan aldeilis að taka Örninn í nefið. Sit hér með íslenska fyrirlestra útprentaða í annarri, enska í tölvunni og bókina svo í hinni hendinni. Eitthvað verð ég nú að gera til þess að massa þetta próf.
Fólk kom víst hálfsnöktandi út úr afleiðunum í gær en ég var svo skynsöm að velja þær ekki.

Þurfti að fresta mælingunum til næstu viku og það voru ófá húrra og hjúkkit meilin sem ég fékk til baka. Ég hef lúmskan grun um að fólk sé ekki alveg búið að vera að standa sig eins vel og það ætlaði sér en það kemur bara í ljós. Ég meina... það styttist nú í sumar og bikiní og ekki vill maður vera með fellingarnar út um allt!
Ég er búin að taka af mér 10 kíló sjálf síðan um áramótin vei vei vei...og alls ekki hætt...

Skúli, litli bró er víst byrjaður að blogga. Þið getið kíkt á þetta ef þið viljið kynnast alvöru honum eins og hann segir sjálfur. Já hann er nettur!

2004-03-08T11:08:00.000Z

-Föstudagurinn þrettándi-
Vitið þið hvað liggur á bakvið hjátrúna um að Föstudagurinn þrettándi sé óhappadagur??
Þessi skýring hefur mest verið notuð: Lærisveinarnir voru 13 þegar síðasta kvöldmáltíðin átti sér stað og Jesús var krossfestur á föstudegi.
Svoldið langsótt finnst mér!

2004-03-05T12:01:00.000Z

-Fimmtudagskvöld-
Félag Sjálfstæðismanna á Bifröst var með Aðalfund í gær þar sem boðið var uppá matarhlaðborð og útsýni á Bjarna Benidiktson þingmann úr Suð-Vesturkjördæmi. Já þetta sýnir ykkur örugglega strax hvað ég er ógeðslega pólitísk eða þannig. Þegar maðurinn var að halda ræðu var ég svona frekar að horfa á fötin hans og hvernig hann greiddi hárið og af hverju skyldi hann vera í rúllukragabol og svoleiðis. Þegar ég hef hlustað lengi á pólitískar umræður (lengi=5mín) þá bara fer hugurinn minn á flug . Við erum að tala um það að ég er svo mikill asni í pólitík að Jóhann var að útskýra fyrir mér um daginn af hverju Össur Skarphéðinsson væri ekki mögulega næsti forsætisráðherra. Ríkisstjórn píkisstjórn!!

Ég flúði af pólitískum vettfangi eftir að tveir ræðumenn höfðu lokið sér af því mín beið Partýspilið með Mörtu, Hlín, Smára, Unni og Siggu Dóru. Þetta spil klikkar aldrei og við Marta stóðum okkur bara með ágætum en ég er enn svekt yfir að við misstum að TM-höfuðreitnum. Orðið var Tölvur og ég auðvitað COMPAQ þar sem ALLIR á Bifröst eiga Compaq en Marta bjáni sagði HP. Það er ekki sanngjarnt að láta mann vera með henni í liði!! Svo var spilið komið út í algjöra vitleysu þar sem þetta fólk var orðið svo blindfullt að það gat ekki haldið einbeitingu í lengur en eina mínútu (Gonnzan var sko greinilega edrú hehehe).

Kíktum á kaffihúsið þar sem einhverjir síðhærðir rokkarar frá 9.áratugnum voru að spila. Þeir voru reyndar alveg ágætir og við tjúttuðum heilmikið. Svo kom lagið "What's going on" by 4 non blondes og þá vissi ég alveg í hvað stefndi. Hlín tapaði sér alveg við mig: Gunnhildur þú verður að syngja þetta lag. Má ég biðja um að þú fáir að syngja?? Og þeir sem mig þekkja vita alveg að ég geeeeet ekki staðist svona tilboð. Þannig að þarna endaði ég, bláedrú, skjálfandi í hnjánum, með mígrafóninn í annarri að berjast við að muna textann, syngjandi við hlið síðhærða rokkarans með trítilóða Bifrestinga fyrir framan mig. Djöfull er þetta alltaf gaman haha.

Samantekt á kvöldinu: Helvíti skemmtilegt í alla staði, gott að vera edrú og vakna hress en stundum finnst manni sumt fólk vera skemmtilegra fullt þegar maður er sjálfur fullur... seigiggimeir seigiggimeir

Fyndið: Pálmi læsti sig inná klósetti á Kaffihúsinu og var búinn að vera læstur þar inni í klukkutíma þegar ég fór og þá var Jónas kallinn kominn til að reyna að ná honum út. Ég veit hins vegar ekki hvort það hafi tekist. Hefur einhver séð Pálma??

2004-03-04T14:34:00.000Z

-Athygli-
Haldið þið að orðatiltækið "neikvæð athygli er betri en engin athygli" eigi líka við þegar um samskipti kennara og nemenda er að ræða??
Þ.e. hvort er betra ef kennarinn sýnir ykkur aðeins neikvæða athygli eða alls enga?

2004-03-04T11:42:00.000Z

-Brandari-
“Af hverju er bumban þín svona stór mamma?” spurði stúlkan mömmu sína.
“Ég er með barn í maganum”
“Hvernig komst það í magann þinn?”
“Pabbi þinn gaf mér það”
Þá fór stúlkan til pabba síns “pabbi þú veist barnið sem þú gafst mömmu? Hún kyngdi því!”

2004-03-04T08:57:00.000Z

-Sleeping beauty-
Verð að segja ykkur eitt af sambýlingi mínum henni Röggu. Þeir sem þekkja hana vita kannski að sólarhringurinn hennar snýr ekki alveg eins og hjá þorra landsins. Hún er gjarnan að fara að sofa um 5 leytið á morgnanna og vakna uppúr hádegi eftir að hafa snoozað frá 10. Um daginn sögðumst við Alma ætla að draga hana með í morgun-aerobic með góðu eða illu og hún var alveg komin á það að mæta, eða það sagði hún okkur allavega. Hún hefur greinilega sagt þetta bara til að friða okkur og losna við röflið í okkur því þegar það var að því komið að ræsa Röggu klukkan 06.10 þá ansaði enginn föstu banki mínu og ekki nóg með það.. hún LÆSTI hurðinni svo ég gæti örugglega ekki dregið hana framúr.
Ragga hyggst fara í skiptinám næstu önn og ég hef verið að hvetja hana að fara til Japan því þar myndi sólarhringurinn smellpassa hennar klukku.

2004-03-04T00:17:00.000Z

-Gestabók-
Eins og glöggir lesendur taka kannski eftir þá hef ég fjarlægt gestabókina mína. Ástæðan er sú að einhver vírus var kominn í hana og þegar maður opnaði síðuna þá poppuðu upp 10 klámsíður , tróðu sér í favorities og ein gerðist svo djörf að stilla sig alltaf sem upphafssíðuna hjá manni.
Ég græt gestabókina mína sáran og ég vil að þið vitið að mér þótti voða vænt um allt sem þið höfðuð skrifað þar. Núna verðið þið hins vegar að grípa til þess að vera dugleg að kommenta svo ég viti af ykkur.

2004-03-03T23:51:00.000Z

-LÍN-
Í dag er 3. mars og námslánin mín voru rétt að skríða inn. Þetta gengur allt svo bölvanlega hægt þarna í Þýskalandi að við erum búin að vera alveg brjáluð hérna heima, með yfirdráttinn í botni! Við tókum prófin, þessi fáu sem við þurftum að taka, í byrjun desember eða fyrir fokkings 3 mánuðum síðan. Þjóðvernarnir eru alveg að tapa sér í skriffinsku og formsatriðum og greinilega engir samningar í gangi á milli Bifrastar og Fachhochshule um að einkunnirnar okkar þurfi að vera komnar inn fyrir ákveðinn tíma.
Orðsending til tilvonandi skiptinema: Reynið að vera búin að fá allar einkunnir áður en þið komið heim. Það er ómögulegt að vera að vinna í þessu hérna heima. Svörin eru mjög óskýr og allir benda á næsta mann!

2004-03-03T16:05:00.000Z

-Pistillinn kominn inn-
Sko Braga. Pistillinn kominn aftur inn. Okkur bloggurum fannst svo að okkur vegið með þessu mótlæti að meira að segja Valli, sem hefur ekki bloggað síðan 18.október b.t.w. gat ekki lengur á sér setið. Eins og Bragi segir: Rétt skal vera rétt!
Amen

2004-03-03T15:36:00.000Z

-Málfrelsi hvað??-
Bragi hefur fjarlægt pistil sem hann skrifaði um úthlutun Félagsmálasjóðs. Til gamans má geta að þetta er ekki fyrsti pistillinn sem hann hefur þurft að fjarlægja vegna mótmæla en hvað er málið?? Má ekki mótmæla aðeins?? Þurfa endilega ALLIR að vera sammála?
Ég las þennan pistil og ég gat ekki séð að hann væri niðrandi fyrir einn né neinn. Ég veit ekki betur en að hér ríki málfrelsi en eins og segir í 10.grein mannréttindasáttmálans: Everyone has the right to freedom of expression.
Ef bloggið er ekki staðurinn til að rífa aðeins kjaft og gagnrýna þá veit ég ekki hvar sá staður er!!

2004-03-02T22:15:00.000Z

Stundum verður maður nú dáldið þreyttur eftir allt þetta skopp

2004-03-02T20:10:00.000Z

-Matur er mannsins megin-
Bragi er að kvarta á síðunni undan því að það sé alltaf sami maturinn á kaffihúsinu. Alltaf djúpsteikt ýsa og franskar og svoleiðis. Stundum... allavega núna í kvöld held ég að Jóhann minn yrði glaður að fá djúpsteikta ýsu, franskar eða pottrétt. Holla tilraunaeldhúsið hennar Gunnhildar var nefnilega með fisk í ofni og á fisknum voru tómatar, bananar og karrý. Svo fékk ég svo mikinn móral þegar ég var búin að setja þetta inn (vissi alveg að Jóhanni ætti eftir að þykja þetta hálf óspennandi) að ég stráði mexico osti yfir hans helming.
Bragi minn ég hefði kannski bara átt að bjóða þér í mat í kvöld. Mér fannst þetta allavega svaaakalega ljúffengt með soðnum kartöflum. Ekta mánudagsmatur á þriðjudegi. nammi namm

2004-03-02T11:25:00.000Z

-Próf lálgast-
Á miðvikudaginn eigum við að fara í lokapróf í Nýsköpun og frumkvöðlafræði. Þetta próf á að vera með oral hætti og á að vera uppúr bókinni sem kenna átti við áfangann. Já ég segi sem kenna átti því við höfum aldrei þurft að notast við þessa bók. Það eru búin að vera nokkur verkefni á áfanganum og í engu þeirra, já ENGU var hægt að notast við bókina. Ég sit því uppi með 5900 króna bók sem ég hef ekkert geta notað og svo á ég að fara að læra hana utanaf fyrir næsta miðvikudag. Gangi mér bara vel!!

Mannréttindaritgerðin mín mun fjalla um kraft fjölþjóðafyrirtækja í þróunarlöndunum og hvernig þau brjóta á grunn mannréttindum íbúa/starfsfólks. Það er bara vonandi að dr. Herdís gefi mér grænt ljós.

2004-03-01T14:03:00.000Z

-Skjár 1-
Núna er Skjár 1 í sjónvarpinu hjá okkur. Veit ekki hvort þetta séu bara einhverjar tilraunaútsendingar eða hvað... allavega mjöööög gott mál. Myndgæðin eru reyndar ekki góð en það hlýtur að lagast.

2004-03-01T11:26:00.000Z

-Frí-
Hvað er það að láta mann vita að það sé frí í tíma, 25 mínútum áður en hann á að byrja?? Ég á nú samt ekki um sárast að binda þar sem ég var löngu vöknuð og við Jói búin að taka góða æfingu (ekki misskilja... við fórum í ræktina). Greyið Kristmann og Pétur Maack og jafnvel fleiri sem voru búnir að keyra alla leið úr RVK til að mæta í tímann.
Ég var víst í sjónvarpinu í gær vei vei

2004-02-29T21:57:00.000Z

-Snilldar síða-
Þessi síða er linkuð frá Jakabólinu. Hún er algjör snilld fyrir þá sem vilja skrá niður hvað þeir borða og sjá þannig næringarinnihald þess.

2004-02-29T11:34:00.000Z

-Bæjarferðarmyndir-
Henti nokkrum myndum inn frá því í gær. Tók fullt í kjólamátuninni en kann ekki við að setja þær á netið. Batteríin eyddust hins vegar allt of hratt og þegar Jane var í armbeygjunum þá kláruðust þau akkúrat svo ég náði bara einni mynd af henni.

2004-02-29T11:17:00.000Z

-Helgin-
Við Marta ákváðum að vera aðeins áfram á Bifröst þar sem álagið er aðeins farið að aukast. Nú þurfum við að fara að vinna í lokaverkefninu í Human Rights kúrsinum sem er 10 blaðsíðna ritgerð og svo bíður bs´verkefnið spennt eftir mér. Við vorum hins vegar svo tussulegar eftir fimmtudagsdjammið að ekkert varð úr lærdómnum en á móti höfðum við það alveg ógisslega notalegt. Davíð og Ragga komu síðan aftur uppeftir á föstudagskvöldið með 4 bræður Röggu svo það var stuð á bænum. Við horfðum á 70 mínútur spóluna og orguðum af hlátri. Djöfull var ógeðslega fyndið þegar þeir klæddu Sveppa úr öllum fötunum og hentu honum fram á gang.
Ég vaknaði snemma á laugardaginn og brunaði í bæinn. Hitti Önnu Lydíu, Írisi Sig og Baddý á Brúðarkjólaleigu Dóru þar sem Anna prinsessa mátaði geeeðveika kjóla. Ekki vildi ég standa í hennar sporum, að þurfa að velja á milli allra þessara gorgious kjóla er ekkert grín.
WARNING: EKKI FARA AÐ BORÐA Á FRIDAYS!! Sorry Marta mín, ég veit að hann Ævar frændi þinn er að sjá um þetta en við vorum allar mjööög óánægðar með BBQ salatið okkar sem var pínulítið, borið fram á hvítum súpudisk og kostaði 1.160 ÍKR. Við fórum eiginlega svangari út en við komum inn og þjónustustúlkan sagði bara... ER ÞAÐ, ææ!!
Jane vinkona var að keppa í armbeygjum í Kringlunni og ég fór auðvitað að styðja við bakið á henni. Hún stóð sig þvílíkt vel stúlkan, tók 38 stykki og var first runner up eftir Freyju Sigurðardóttur sem tók 42. Jane er að keppa á sínu fyrsta móti svo þetta verður að teljast mjög gott hjá henni. Mér fannst samt verðlaunin best: 25 kíló af Nings grjónum hahaha hún loftaði varla verðlaununum og þetta var eins og hún væri að fá skammarverðlaun.
Við Jói ætluðum svo í bíó um kvöldið. Vorum svoldið sein fyrir og ætluðum bara að grípa okkur Subway í Kringlunni fyrir bíóið. Vorum komin klukkan 19.45 en þá var allt lokað í Kringlutorginu og það var annað hvort að fá sér að borða eða fara í bíó og borða sig saddan af snakki og nammi. Ég fékk að ráða og bíóið varð að lúta. Við vorum líka ekki svikin af steikinni hjá Tengdó.

2004-02-27T14:05:00.000Z

-Kaffi Bifröst-
Jæja það kom að því að við stelpurnar tækjum létt djamm hérna á röstinni. Fór fyrst á stofnfund Framsóknarfélag Bifrastar. Kíkti af einskæðri forvitni og kom mér undan því að skrifa í gestabókina og stinga á mig barmmerki. Ég verð að viðurkenna það að ég er mjög ópólitísk en ég get sagt það að ég hef aldrei kosið Framsókn. Halldór Ásgrímsson og Guðni Ágústsson voru þarna mættir í sínu prúðasta og þetta var bara ekkert svo leiðinlegt.
Partýspilið var svo tekið með stæl heima fyrir. Ég og Ragga RÚSSSTUÐUM Hlín og Mörtu... vægast sagt sko!
Það voru stripparar á Kaffihúsinu en við mættum svo seint (af ásettu ráði sko) að við sáum rétt restina. Þær snérust þarna um greyin með sinnhvora þrjá 500 kallana inná brókunum, ekkert alveg að græða mikið á Bifrestingunum greinilega. Villi Skúla veifaði svo 500 kalli í eina og hún kom og dansaði eitthvað yfir honum. Hann stakk 500 kallinum inná buxurnar á henni og tók svo annan í staðinn. Það var algjör snilld!
Við tjúttuðum þar til okkur var nánast hent út. Búið var að tilkynna partý í Vallakoti 1 svo við litum inn þar en það var bara svo ekkert að gerast þar að við Marta og Hlín fórum að fá okkur grænmetispítu með kotasælu. Já maður missir sig sko ekkert í sukkið þó svo maður fái sér í "aðra" tánna. Davíð var enn vakandi þegar ég kom heim, sat í sófanum og var að fara að kíkja í partý. Hann hefði betur farið bara beint að sofa.... en það er of löng saga. Inniheldur samt að mestu leyti það að hann sauð sér maísstöngla í nótt/morgun, skellti sér svo í sturtu og steindrapst þar
Marta mín er heldur ekki of hress í dag. Já það má eiginlega segja að hún sé bara drulluþunn! Við ætlum að vera hérna í nótt. Ég ætlaði mér að fara að læra en ég hef ekki enn komið mér í það og klukkan er fokkings 2!! Ég verð að fara að finna mér efni fyrir Mannréttindakúrsinn. En kannski að ég leggi mig pínu fyrst.....

Ég var að tapa mér á myndavélinni, tók yfir 100 myndir og er búin að setja stóran hluta þeirra hérna inn.

2004-02-26T10:43:00.000Z

-Ákveðinn léttir-
Lagið "ýkt komin yfir þig" er úr leikriti sem verið er að fara að sýna í Borgarholtsskóla. Hins vegar er lagið samið af Sindra og er ennþá alveg ÖMURLEGT!! Ég ætla allavega ekki að fara og sjá þetta leikrit!

2004-02-26T07:45:00.000Z

-Músíka-
Var að koma úr ræktinni og eins og alltaf á þriðjudags- og fimmtudagsmorgnum þá sit ég hér í svitafýlunni minni yfir Ísland í bítið. Þegar ég kveikti á sjónvarpinu verkjaði mig nánast í eyrun. Ég þyki ekki með dýpsta tónlistarsmekk í heimi en guð minn góður, öllu píkupoppi má nú ofgera!! Þarna var Sindri, sonur Bjarkar að syngja lag ásamt voða sætri stúlku og einhverjum rappara sem stóð eins og fábjáni á milli þeirra meðan Sindri söng "Ég er ýkt kominn yfir þig og þú ert ýkt komin yfir mig" stúlkan raulaði "yfir þig...yfir mig" og rapparinn kom með nokkur svona "ó je ohoh" á milli. Hverju eru þau að reyna að líkja eftir?? Þetta var ekta svona mtv popp en alveg í versta gæðaflokki.
Sindri kom sér svoldið í mjúkinn hjá mér þegar Dáðadrengir unnu Músíktilraunir. Lagið þeirra þar var helvíti flott en ég var búin að breyta aðeins textanum í Bollakoti 1 um árið og söng til Mörtu minnar: Þú ert með loðnar lappir og reykir sígarettu. Vonandi á þetta ekki eins vel við hana í dag

2004-02-25T17:47:00.000Z

-Blogg um ekki neitt-
Enn annar tíminn þar sem nemendur eru að kynna verkefnin sín. HALLÓ!!! þetta er bara ekki skemmtilegt. Ég get alveg eins verið heima hjá mér á netinu og hér.
Þetta setur svartan blett á annars svo fínan dag sem hófst um 8 en þá fórum við Ektahjónin að lyfta og svo samdi ég nokkur ný erobikkspor og svona.. vei vei gaman gaman. Hver hefur eiginlega gaman af því að lesa þetta ?? haha. Mér leiðist bara rosalega núna... já og svo verð ég að tala pínu um hvað veðrið var alveg æææðislega gott í dag. Fórum í fyrsta Bifrastargöngutúr ársins áðan. Það er ótrúlega gott að rífa sig upp úr tölvunni og skella sér í hálftíma göngu niður að Hreðavatni eða eitthvað. Nú er ég farin að hljóma eins og Gaui litli en ég get ekki látið þennan pistil vera lengri því kennarinn var að SKAMMA MIG fyrir að vera að pikka á tölvuna. GUÐ MINN GÓÐUR!!

2004-02-24T14:36:00.000Z

-Bs´ritgerð-
Nýjar og heitar fréttir af ritgerðinni..... Ég var rétt í þessu að skipta um rannsóknarefni!! Já gott fólk, ég veit að það er kominn 24. febrúar og ég á að vera komin vel af stað í ritgerðarsmíðunum en.... ég er búin að átta mig á því að mig LANGAR EKKI að gera verkefni fyrir Flugfélag Íslands. Ekki misskilja mig, hef ekkert á móti flugfélaginu en ég hef bara engan áhuga á þessu! En hverju hef ég þá áhuga á?? Jú mikið rétt, Líkamsrækt! Ég tók mig því til áðan og sendi póst á fullt af stöðvum þar sem ég bað um að fá að gera þarfagreiningu fyrir stöðina (held s.s. fræðilegu nálguninni). Fyrst til að svara mér var sú sem ég óskaði helst eftir, sjálf Ágústa Johnson og hún vildi auðvitað ólm fá mig!!
Svo hringdi ég í Friðrik leiðbeinanda áðan og tilkynnti honum að mig langaði að skipta um efni og væri eiginlega bara búin að því. Ekkert mál sagði þessi snillingur... bara ekki skipta mikið oftar

Ég er svo himinlifandi núna. Nú held ég að "bs´hausverkurinn" hverfi og ég fari að hlakka til að gera ritgerðina!!

2004-02-24T08:36:00.000Z

-Blogg-
Bifrestingar eru duglegir að blogga. Þessa kíki ég reglulega á:
Bragi
Svan
Bendt
Tótla
Alma
Rósa
Hjörtur
Elva
Lísa
Sigrún
Ólöf Friðriks
Berglind og Linda
Eva, Silja og Friðdóra

Er ég að gleyma einhverjum virkum bloggurum??

2004-02-23T11:56:00.000Z

-Kynningar-
Ofboðslega leiðast mér þessar power point kynningar í Nýsköpun og Frumkvöðlafræði. Kennarinn er með klukkutíma fyrirlestur og maður reynir alveg eins og maður geeetur að halda einbeitingunni. Svo erum við að vinna hópverkefni út alla önnina og þetta er í þriðja skiptið sem ALLIR hóparnir eiga að vera með kynningu á verkefninu sínu. Ef þetta er ekki Waist of Time þá veit ég ekki hvað. Við vorum fyrsti hópurinn upp í dag og það voru öll andlitin límd í tölvuna fyrir framan sig svo ég VEIT að ég er ekki ein um að finnast þetta nett leiðinlegt. Við lærum bara ekki neitt af því að sjá aðra hópa kynna sitt verkefni trekk í trekk. Þetta virkar á mig sem einhver easy way fyrir kennarann að sleppa við að kenna okkur... og hananú!!!

2004-02-23T10:29:00.000Z

-Laugar-
Konudagurinn var tekinn snemma. Við Jane höfðum mælt okkur mót í Laugum þar sem til stóð að taka almennilega á því. Jane er að fara að keppa í fitness og er búin að vera í þjálfun hjá Sif Garðarsdóttur í nokkrar vikur. Laugar er ekkert smááá flott stöð. Ég fékk hálfgert víðáttubrjálæði þarna inni. Það eru held ég um 150 brennslutæki og alveg skrilljón æfingatæki. Litlu sveitastelpunni sem hefur verið að æfa í Perlunni og á Bifröst fannst þetta nú heldur mikið af því góða!!
Æfingin var svakalega góð. Jane hafði fengið þá fyrirskipun frá Sif að lyfta bara axlir og ég fylgdi auðvitað bara með. Það voru hvorki meira en minna en 6 axlaæfingar og 4x10 sett af hverri. Úff hvað þetta var erfitt en líka rooosalega skemmtilegt. Eftir lyftingarnar var hálftíma brennsla á hlaupabretti þar sem við skiptumst á að mana hvor aðra upp í spretti!!!
Boostbarinn var kærkominn fengur eftir æfinguna!

2004-02-21T10:53:00.000Z

-Saumó-
Eiga ekki allir svona vinkonu sem mætir ALLTAF allavega klukkutíma of seint?? Ég á nefnilega eina svona vinkonu, Íris Dögg. Við vorum með smá saumó í gær og Íris sendir mér skilaboð til að spyrja klukkan hvað eigi að mæta. Ég hringi í Önnu Lydíu og segi henni að Íris sé að spyrja að þessu. Hún sagði að við ættum að koma um 8.30-9. Ég segi þá: Á ég ekki að segja 8.30 við Írisi svo hún verði komin fyrir 10? Blessuð segðu við hana klukkan 8 segir Anna. Ok, svo ég sendi Írisi að klúbburinn byrji klukkan 8 í þeirri von um að hún verði þá komin um 9 leytið. Svo mæti ég um 8.45, er ekki Íris greyið löngu komin. Þá mætti hún klukkan 7.50, svona líka tímaleg í þetta skiptið...úpppss

Klúbburinn var mjööög skemmtilegur. Umræðuefnin voru ansi skipt: kvensjúkdómalæknar voru fyrirferðamiklir, nýjasta andlitið á Bleiku & Bláu, skólinn, brúðkaup, megrun, vinnan, dóp- og innbrotsmál í Keflavík og alls konar slúður!!

Þórunn var búin að halda okkur sjóðheitri alla vikuna, þurfti endilega að segja okkur öllum svoldið saman. Þá var hún að biðja okkur í gær um að vera BRÚÐARMEYJAR í brúðkaupinu hennar í sumar. Við hérna, klunnarnir 5 eigum semsagt að ganga á undan brúðhjónunum í alveg eins kjólum og svona, ógisslega sætt!! Ég held samt að þetta eigi ekki alveg eftir að ganga eins og í bíómyndunum. Íris á eftir að vera alltof sein, Anna Lydía á eftir að stíga á kjólinn sinn og fljúga fram fyrir sig, þá á ég eftir að hlæja svo hátt að kirkjuklukkurnar fara að klingja. Íris Sig og Baddý eiga eftir að gera þetta nokkuð gallalaust. Ég er bara farin að hlakka til. Sé okkur alveg í anda að æfa og máta kjóla og svona. Svo er ég að reyna að tjónka við Þórunni að hún leyfi mér að syngja: Here comes the bride þegar við göngum á undan þeim hahaha

2004-02-20T19:39:00.000Z

-Hasskökumálið-
Dv greindi frá því á miðvikudaginn s.l. að 10 kennarar við skóla í Lüneburg í Þýskalandi hafi þurft að leita til læknis eftir að hafa borðað köku sem nemandi þeirra hafði bakað. Nemandi þessi hafði nefnilega sett HASS í kökurnar og fundu kennararnir til mikils svima og ógleði eftir kökuátið. Nemandinn játaði eftir að skítug kökuformin fundust heima hjá honum en kennararnir ætla ekki að kæra og hann fær að halda áfram í námi við skólann.
Þessi nemandi, gott fólk, er góðvinur hans Sebastians okkar sem stundar skiptinám hér á Bifröst og.... hann er á leiðinni til Íslands til að heimsækja Sebastian.
Þetta er náttúrulega bara bráðfyndið og algjör snillllld. Ef einhver okkar myndi reyna að líkja þessu eftir hér á Bifröst þá stórefast ég um að við myndum sleppa með skrekkinn.

2004-02-19T12:56:00.000Z

Var að skoða textasíðuna frægu og hló mig máttlausa yfir mistökum annarra. En svo kom í ljós að ég var bara ekkert skárri en margir aðrir þótt ég syngi ekki "I´m a leather face" í stað "I´m all out of faith" þá hef ég alltaf sungið Killing me softly á einhvern óskiljanlegan hátt:
"Strumming dub plates with our fingers" hef ég alltaf sungið sem:"Strumming my pain with his fingers".
Þýðir þessi setning nokkuð hjá mér???

2004-02-19T09:33:00.000Z

Heilbrigði
Mikið hefur verið skrifað um heilsurækt og mataræði og eru til FULLT af netsíðum með fróðlegum og gagnlegum upplýsingum. Sitt sýnist hverjum og skoðanir um hvaða aðferð sé BEST eru mjög misjafnar. Það er mjög skemmtilegt og gagnlegt að lesa pistla sem skrifaðir hafa verið af næringarfræðingum og einkaþjálfurum. Hér eru nokkrar síður sem mig langar að benda á:

Hreyfing
-undir ”Hugsaðu um heilsuna” eru greinar eftir Ágústu Johnson og fleiri gagnlegar upplýsingar.
Doctorinn
Mathákur - Allar upplýsingar um fæðu
Vítamín.is - spurningar og svör
Femin - pistlar, spjallþræðir og svör við spurningum
Fitnesssport - Fróðleikur um mataræði og æfingar
Heilsuráðgjöf
Þjálfun.is
Líkaminn fyrir lífið
Heilsuhúsið
Fitnessfréttir

2004-02-18T22:11:00.000Z

I am the number
2
I am friendly
_

what number are you?
this quiz by orsa
Já þar höfum við það. Hvað sem þetta merkir. Bull spurningar!!<

2004-02-18T21:50:00.000Z

Nýsköpun og Frumkvöðlafræði
Headerinn kann ekki að hljóma spennandi en þetta er jú eitt af þeim fögum sem ég er að stúdera núna. Kennarinn okkar Örn er víst rosalega klár kall en það er svoldið skondið að kennari í þessu fagi kunni ekki að slökkva á gsm símanum sínum eða vafra um á Internetinu.
Við vorum að klára verkefni í dag og ég var búin að bæta einhverjum texta þarna inní. Þetta þarf víst allt að vera á ensku og stundum flækist mín enska tunga. Meiningin mín var að segja frá þeim fídusum sem bíllinn okkar myndi hafa og auðvitað hélt ég að fídus væri enska orðið fetus, rétt eins og geim er game, djók er joke og kúl er cool. En nei fetus þýðir víst fóstur þannig að snillingurinn ég var búin að koma því frá mér að það yrði fóstur í bílnum og verkefnið okkar leiddist útí algjöra brandaravitleysu. Brandarinn vatt sífellt uppá sig og í lok brandarabylgjunnar vorum við búin að ákveða að setja það í verkefnið að eftir að hafa keyrt nýja bílinn með fóstrinu í 9 mánuði þá yrði það að barni, sérstaklega góður kostur fyrir þá sem geta ekki eignast börn.

2004-02-18T13:55:00.000Z

Var að fá þennan texta með gamla laginu hennar Ruttu Reginalds sendan og þetta er svo mikil snilld að ég bara VERÐ að henda honum hér inn

Furðuverk

Ég á augu, ég á eyru
ég á lítið brotið nef.
Ég á augabrúnir, augnalok
sem að krumpast er ég sef.
Ég á kinnar sem er'ei stinnar
og á höfði fáein hár
Ég þekki rosa fínan lækni
sem er obboslega klár

Ég á nett geggjaða mömmu
og appelsínuhúð.
Tvær hendur og tvo fætur
sem ég keypti út í búð.
Ég get hoppað , ég get dillað
Í brjóstum hef ég gel.
Ég á bakhlið, ég á framhlið
sem að strauja þarf víst vel.

Ég er furðuverk, algert furðuverk
Sem var lagað til
Ég er furðuverk, algert furðurverk
Lítið samt ég skil.

2004-02-17T20:12:00.000Z

Bs ritgerð
Maður er búinn að kvíða fyrir þessari lokaritgerð síðan skólinn hófst. Veit ekki hvort maður sé búinn að mikla þetta svona fyrir sér eða hvað. Ég man eftir í fyrra þegar Bs-ingarnir voru hangandi yfir ritgerðinni dag og nótt síðustu vikuna sérstaklega og ekki skiluðu allir inn.
Nú er frekar rólegt að gera í skólanum en ég drattast ekki til að byrja á þessu. Ég held að ég sé líka alls ekki ein um það. Þói var að signa sig inn á msn-ið og hann heitir 8 dagar og 0 orð í ritgerðinni. Hann er semsagt að fara til Kína eftir 8 daga og er ekki búinn að skrifa staf. Hann er samt þessi týpa sem skrifar ritgerðina á 1 viku.
Ég held að ég verði að fara að byrja á þessu... En eins og Halldór nokkur Laxness sagði: Þegar á öllu er á botninn hvolft, þá fer allt einhvernvegin, þótt margur efist um það á tímabili.

2004-02-16T23:08:00.000Z

Myndir frá Bifró. Teknar af Röggu!

2004-02-16T20:24:00.000Z

Hopp og skopp
Ég var alveg búin að gleyma því hvað það er gaman í handbolta!! Vorum ekki nema 6 á æfingunni núna en það var sjúklega gaman. Við erum meira að segja komnar með þjálfara...engan annan en ..... daddaraaaa Hjálmar Blöndal sjálfan! Strákurinn var nú að æfa heillengi með Val í gamla daga og kann alveg fullt af skemmtilegum æfingum. Stelpan er nú orðin pínu þreytt í líkamanum eftir hörku erobikktíma og svo beint í handboltann!
Bifrestingar eru greinilega svoldið þunnir ennþá. Mætingin í erobikkið var ekki eins góð og alltaf en það er eins gott að þetta hafi bara verið svona "one time" í dag. Það er nebbla líf eftir Bifró!!

2004-02-16T15:03:00.000Z

Bifróvision
Þá er síðasta Bifró búið!! Vá þetta hljómar rosalega sorglega. Kannski að við Jóhann fáum okkur bara vinnu á Bifröst eftir að námi líkur.. ég meina, ég get verið á skrifstofunni og Jóhann getur verið svona "húsvörður". Það virðist vera að gera góða hluti fyrir suma útskrifaða viðskiptafræðinga :)
Bifró var alveg drulluskemmtilegt og eiga þær stöllur sem stóðu í undirbúningsnefndinni mikið lof skilið. Ég held samt að mitt borð hafi verið það eina sem að hafi fundist maturinn alls ekki góður. Hann var algjörlega bragðlaus og þurr eins og lopasokkur!
Skemmtiatriðin voru rooosalega skemmtileg. Rannsý stóð sig eins og hetja í upplestri Mynni kennara sem var samið af fjórum snillingum og svo var spurningakeppni kennaranna ógeðslega fyndin líka! Það er greinilegt að starfsfólk skólans heyrir allar "Röfl sögur" okkar nemenda.
Söngvakeppnin var stórskemmtileg. Langflest atriðin áttu skilið að vinna en auðvitað er þetta hálfgerð vinsældakosning. Atriðið sem vann var reyndar alveg gott en mér fannst það samt ekki best...go Stallione Italiano :)
Auðvitað verð ég aðeins að minnast á það að Harpa Sjöfn og Stinni Stuð komu, sáu og sigruðu!! Ég ákvað að vera ekki með í ár og njóta þess að horfa á hina en mig kitlaði svaaakalega að vera með. Það lagaðist þó alveg þegar við Hjörtur fengum að syngja Ástardúettinn. Ekki einu sinni heldur TVISVAR!! Mér var sagt það í gær af Röggu sem man allt, að við hefðum sungið lokalag kvöldsins :)
En djöfull vorum við öll orðin drukkin undir lokin! Ég lét "plata" mig til að bonga heilan bjór og gerði það af algjörri snilld þó ég segi sjálf frá!
Ég mundi ekki nærri allt frá nóttunni en ég er svo heppin að eiga hana Röggu fyrir vinkonu og hún man sko hverja einustu mínútu... Já Gunnhildur svo bauðstu skiptinemanum og Kristínu á skrifstofunni uppí drykk til þín og jarrí jarrí jarrí... ég bara Ragga.. I don´t wanna know!!

Það eru einhverjar myndir komnar hjá Ólöfu og Rósu

2004-02-16T14:48:00.000Z

Back to business??
Hef alveg verið laus við bloggþörfina síðan hva... 30.desember 2003!! Ég var/er ekki alveg að sjá fyrir mér að ég myndi halda þessari síðu uppi ein og á Íslandi. Það var rosalega gaman að blogga með sportkotlingunum í fyrra og líka gaman að vera í útlöndum að skrifa fréttir af sjálfum sér svo vinir og vandamenn heima gætu fylgst með.
Ég er ekki þessi týpa sem skrifa um pólitík eða djúpar hugsanir og pælingar heldur meira svona blaðrari um mig og mína :)
Hver veit... kannski á ég eftir að nenna að blogga eitthvað...

2003-12-30T22:35:00.000Z

Gamlárskvöld
Á morgun er gamlársdagur, ótrúlegt en satt. Ég ætla að vera hjá Jóhanns fjölskyldu í mat í Árbænum en þar eru alltaf ca 40 manns saman komin og mikið stuð. Mamma var ekkert alltof sátt þar sem Skúli ætlar að vera hjá kærustunni í bænum. "Það er alltaf voða stuð hjá öllum nema okkur"... haldið þið nokkuð að ég hafi átt að fá samviskubit??
Ég get ekki sagt að ég sakni þess að vera í Keflavík um áramótin. Maður hefur alltaf verið með gífurlegar væntingar til þessa kvölds og svo gerist ekki neitt!!

2003-12-30T22:22:00.000Z

Silfurskottan komin
Djöfull keypti ég mikið af drasli í útlöndum!! Fataskápurinn minn er svo troðinn núna og á meðan ég var að "unpakka" tautaði ég upphátt "Ég vildi að ég ætti íbúð" í veikri von um að pabbi drægi upp ávísanaheftið og gæfi mér ávísun uppá tjahhh... 13 millur eða svo.

2003-12-29T23:33:00.000Z

Frohe Weihnachten liebe Freunde!!
Ég álasa ykkur ekki ef þið eruð hætt að kíkja í heimsókn til mín en ég hef bara ekki fengið köllunina yfir mig og svo er tölvan hans Skúla búin að vera í einhverju fokki og ég kann ekki að tengja þráðlausa netsambandið við mína tölvu. Honest!!
Ég er hins vegar búin að vera að vinna eins og brjálæðingur frá því ég kom heim svo ég vænti góðrar summu á miðvikudaginn JIBBÍÍÍ!!
Jólin voru yndisleg hjá mér en ég fékk að prófa hvernig það er að vera bara í hlutverki þiggjandans. Gunnhildur og Jóhann fengu nefnilega ekki litlu silfurskottuna eins og helv$#%$# fíflin hjá Atlantskip voru búin að lofa og burrinn er ekki enn kominn í hendur mínar. Ég fæ hann víst á morgun. Fíflin þarna ákváðu nebbla að senda bara skipið frá Esbjerg 13.des (daginn eftir að ég kom með hann) í stað 17.des án þess að láta Kóng né Prest vita (ég er sko Kóngurinn:) og ég var alveg laðurbandbrjál froðufellandi í símann þegar þjónustufulltrúinn tilkynnti mér þetta. Skipið kom í gær með burrann en ég fæ að sækja hann á morgun. Ég hlakka svo til...... verst að hann er troðfullur af drasli og herbergið mitt er svo troðfullt nú þegar.
Ég ætla að reyna að skrifa fljótlega aftur... bis später

2003-12-15T21:36:00.000Z

Ein spurning
Hvað ætla Bandaríkjamenn eiginlega að gera við Saddam Hussein??? Hvað mynduð þið vilja að gert yrði við hann?

2003-12-15T21:25:00.000Z

Gamla rútínan
Maður er ekki lengi að detta í sitt gamla far. Ég var mætt í Perluna um 8 í morgun og svo beint í Pulsuvagninn að vinna og var bara að koma heim. Mér fannst alveg frábært að mæta á vagninn eftir langar pásu, skellti á mig svuntu og jólasveinahúfu og settist ekki niður í allan dag. Það er svo skemmtilegt við þessa vinnu að maður hittir svo marga. Það koma jú ALLIR á Villabar.
Ég er ekki frá því að ég sé að komast í rosa jólaskap. Það er svo gaman að vera fyrst að heyra íslensku jólalögin rétt 10 dögum fyrir jól, maður er vanalega komin með ógeð af þeim á þessum tíma. Ég held ég verði að vinna alla daga allan daginn fram að jólum svo lífið mitt verður ekki mjög fjölbreytt. Jóhann er líka að vinna á fullu hjá Símanum í Kringlunni svo það verður bara skírlífi fram að jólum held ég.

2003-12-14T14:45:00.000Z

Afmæli
Hún Vala vinkona mín á afmæli í dag, 26 ára litla hnátan. Hún er á lausu strákar mínir. Hver er ekki að leita sér af svona ekta sveitapíu eins og henni Völu?? Æðislega vel af guði gerð í alla staði, menntuð Blönduósarpía sem starfar sem lögga í hlutastörfum. Just call me guys, I´ll make it happen :)
Til hamingju með daginn dúllan mín og megir þú skokka á marga veggi í framtíðinni!!

2003-12-14T13:19:00.000Z

Home sweet home
Þá er ég loksins komin heim. Áttum frábæran dag í Köben, verslaði mér geggjaða skó og Jóhann verslaði sér jakkaföt. Um kvöldið hitti ég svo Önnu Pálu og Sigrúnu sem var mjög gaman, takk fyrir samveruna stúlkur mínar. Við mættum svo eldsnemma á flugvöllinn en þá þurfti endilega að vera 2ja tíma seinkun. Við vorum því ekki lent heima fyrr en klukkan 16 og mamma sem var búin að bjóða í "welcome kaffi". Gestunum var eiginlega hent út fljótlega því pulsuvagnspíurnar komu klukkan 18. Við fórum svo á jólahlaðborð í Stapanum, borðuðum guðdómlegan mat og drukkum guðsveigar með, svo voru Arnar Dór "Idoltröll" og Stebbi Hilmars og Guðrún Gunnars að skemmta. Mamma varð eitthvað voða sentimental þegar Arnar Dór söng Smile og byrjaði að snökta og eins og einhver vitleysingur. Ég verð að segja að ég var nú hrifnari af Stebba og Guðrúnu en þau voru alveg æðisleg, tóku gömul lög með Ellý og Villa Vill. Við Þóra og Sigrún fórum á DUUS eftir hlaðborðið þar sem hljómsveitin Mát var að tjútta og þeir voru alveg geðveikir. Ég lenti auðvitað á tjatti við meðlimina eftir ballið og er nú með símanúmerið hjá einhverjum Gumba (Gummi umbi) í símanum mínum því þeir voru alveg sjúkir í að fá að spila á Bifröst. Ég lofaði að gera það sem í mínu valdi stæði. Heyrðu svo hitti ég Þóri Þorsteins, Kalla, Ingimund og Jóhann Friðrik eða HERRA ALHEIM eins og þeir félagarnir kalla hann :D Það er alltaf jafn fyndið að hitta þá. Kalli fór uppá svið að "syngja" með hljómsveitinni en þetta var svona svipað og í 9unda bekk þegar hann söng Alive í Holtavision haha. Djammið var flutt yfir á Casino en ég stoppaði stutt þar enda ógeðisbúlla.

Það er rosalega gott að vera komin heim. Yndislegt að knúsa Írisi og Söru í gær og svo auðvitað Mörtu mína. Marta vertu nú dugleg að læra undir prófið, bannað að hanga mikið á netinu!!!
Nú ætla ég að fara að segja þetta gott þar sem það er að byrja heimildarþáttur um Hljóma í sjónvarpinu veivei! Svo fer Jói að koma en við ætlum að skella okkur á jólasveifluna hjá Kirkjukórnum.

2003-12-10T20:51:00.000Z

Ég varð bara að deila því með ykkur að við fáum að hafa orðabók með okkur í þýskuprófinu á morgun... Algjör snilld!!

2003-12-10T20:01:00.000Z

Áætluð brottför...Fimmtudagur kl:1400
Þá er búið að pakka öllu og TROÐA í litlu silfurskottuna.... bara ready to go! Íbúðin var nú svo drulluskítug þegar við fengum hana en maður er svo vanur "Ebbustaðlinum" að ég skrúbbaði vel allt og passaði mig á að skilja nú ekki kísil eftir... mjööög mikilvægt kæru vinir.
Nú sitjum við í Headquarters í hinsta skiptið að drekka síðustu bjórana... snökt snökt.. ef það er ekki bara erfiðara að kveðja bjórinn og lífernið en nýju vinina... já svei mér ef ekki!!
Þetta ætla ég allavega að láta vera minn síðasta pistil frá Þýskalandi, ég sé til hvort ég nenni að halda áfram að blogga þegar ég kem heim.
Until next time my friends
Auf Wiedersehen

2003-12-10T14:00:00.000Z

Loksins komst ég inn á Blogger!!
Herre gud.. ég er bara að fara héðan á morgun, trúið þið því?? Fjögurra mánaðar dvöl í Lüneburg liðin. Ég get ekki sagt annað en ég hlakki svakalega til að koma heim.
Við Jóhann fórum í bæinn í gær og kláruðum jólagjafakaupin. Ég var reyndar búin en Jóhann átti allar eftir, hann er nú ekki að stressa sig á hlutunum þessi elska. Við versluðum auðvitað einhverjar gjafir handa okkur sjálfum líka, maður fær náttla alltaf flottustu gjafirnar frá sjálfum sér.
Það var svo síðasta Stamtischið í gær, síðasta tækifærið til að kveðja krakkana. Það var mikið fjör þar, ég lenti í hörkusamræðum við hann Pawan sem er Indverji um samskipti karla og kvenna. Hann var barasta steinhissa á því að við Jóhann hefðum aldrei slegist! Hann sagði að pör yrðu bara að slást, það væri svo hollt. Ég hélt að hann væri nú bara að ruglast á því að slást og rífast en ónei!! Kærastan hans klóraði hann sko oft.... ég sagðist bara klóra Jóhann during sex Svo fannst honum alveg fáranlegt að við værum bara búin að vera saman í ár, hélt að við værum búin að vera saman í 4-5 ár allavega. Það hlýtur að vita á gott.
Ég veit ekki alveg hvernig aðdragandinn var.. en allavega þá fórum við Pawan í sjómann sem var mjög fyndið. Það voru allir að hvetja mig áfram en ég tapaði mjög naumlega. Hefði örugglega unnið hann ef ég hefði verið búin að lyfta eitthvað :) Hann titraði allavega eftir á haha.
Það var ekkert erfitt að kveðja krakkana en maður vissi ekkert hvað maður átti að segja. Ég veit að fullt af þessu fólki á ég aldrei eftir að hitta aftur og ég tók bara Mörtu á þetta: Have a nice life!!

2003-12-08T10:49:00.000Z

Indland og reykingar
Við stelpurnar vorum að fara í indverska eldunarkennslu í gær þegar við fengum hringingu um að tengdafaðir "kennslukonunnar" hefði dáið. Það var ekkert við því að gera en við höfðum hlakkað lengi til.
Við ákváðum bara að gera gott úr þessu og skelltum okkur á Café Central í kvöldmat. Við ræddum mikið um reykingar og þá sérstaklega sem snérist að okkur saklausu fórnarlömbunum sem verðum fyrir barði óbeinna reykinga og reykingar óléttra kvenna, það er bara ekkert ósmekklegra. Svo eru Finnar víst að verða eins og Njújorkar, engar reykingar á börum og veitingastöðum... Unnur: Það eru bara sjálfsögð mannréttindi okkar sem reykjum ekki að reykingar verði bannaðar á veitingastöðum og börum! Ég tek undir það.
Ég var að lesa það einhversstaðar að sígarettupakkinn eigi að hækka í 700 kall um áramótin. Ég segi bara ef það fær fólk ekki til að hætta... hvað þarf þá til?? Það er líka alveg merkilegt að fólk sem á engan pening á alltaf fyrir sígó!
Lengi lifi Þorgrímur Þráinsson!!